قالانىڭ كوممۋنالدىق قىزمەتتەرى قىس مەزگىلىنىڭ باسىنان بەرى كۇشەيتىلگەن رەجيمدە تاۋلىك بويى جۇمىس ىستەيدى. كۇن سايىن قار كۇرەۋ جۇمىسىنا ەكى مىڭعا جۋىق جۇمىسشى جۇمىلدىرىلادى, دەپ حابارلايدى Egemen.kz قالا اكىمدىگىنىڭ رەسمي سايتىنا سىلتەمە جاساپ.
23 اقپانعا قاراعان ءتۇننىڭ وزىندە قالادان 17,5 مىڭ تەكشە مەتر قار نەمەسە 1 358 رەيس شىعارىلدى.
بەيسەنبى كۇنى تاڭەرتەڭ قار كۇرەۋ جۇمىستارىنا ەكى مىڭنان استام جول جۇمىسشىسى مەن مىڭعا جۋىق ارنايى تەحنيكا جۇمىلدىرىلدى.
قىس مەزگىلىنىڭ باسىنان بەرى قار پوليگوندارىنا 3,4 ملن تەكشە مەتردەن استام قار شىعارىلدى, بۇل 276 988 رەيسكە تەڭ.
تۇراقسىز اۋا رايىنا جانە تەمپەراتۋرانىڭ وزگەرۋىنە بايلانىستى كوشەدە كوكتايعاق پايدا بولادى. قالا تۇرعىندارى مەن قوناقتارى كوكتايعاق كەزىندە قاۋىپسىزدىك ەرەجەلەرىن ساقتاپ, اباي بولۋ كەرەك. ازاماتتاردىڭ ەمىن-ەركىن ءجۇرۋى ءۇشىن جولدارعا, تروتۋارلارعا, كوشەلەرگە قۇم-تۇز قوسپاسى سەبىلەدى.