ەلىمىزدە ءسۇت ونىمدەرى قىمباتتادى

پاستەرلەنگەن ءسۇتتىڭ باعاسى ءبىر جىلدا 4%-عا دەيىن ءوسىپ, 31,2% قىمباتتادى. ال كىلەگەي 30% قىمباتتاسا, مايلىلىعى 2,5% پاستەرلەنگەن ءسۇت باعاسى 28,8% وسكەن.   وڭىرلەر تۇرعىسىندا 2023 جىلعى قاڭتاردا مايلىلىعى 2,5% پاستەرلەنگەن ءسۇت باعاسىنىڭ جىل سايىنعى ءوسۋى اقتوبە قالاسىندا 14,1%, ۇلىتاۋ وبلىسىندا 42,1% كوتەرىلگەن. باعانىڭ ايتارلىقتاي ءوسۋى قوستاناي (38,2%) جانە الماتى (36,2%) وبلىستارىندا دا بايقالدى.    پاستەرلەنگەن ءسۇت باعاسىنىڭ 4%-عا دەيىن ايتارلىقتاي ءوسۋى الماتى (جىلىنا 43,5%-عا), سولتۇستىك قازاقستان (43,3%-عا) جانە جەتىسۋ (36,2%-عا) وبلىستارىندا تىركەلدى. ەڭ از باعا ءوسىمى اقتوبە وبلىسىندا. مۇندا باعا 5,9% وسكەن.   قايماق اتىراۋ وبلىسىندا بىردەن 57,8%-عا, ال سولتۇستىك قازاقستان وبلىسىندا, شىمكەنتتە جانە ماڭعىستاۋ وبلىسىندا 1,5 ەسەگە جۋىق قىمباتتادى. وسى رەتتە ايتا كەتەتىن جايت, ءبىر وبلىستا – اقمولا وبلىسىندا كىلەگەي ارزانداعان, بىراق ءبىر جىلدا 1,9% عانا.   قاڭتار ايىنىڭ قورىتىندىسى بويىنشا قازاقستاندا ءسۇت ورتاشا ەسەپپەن ايىنا 1,4% قىمباتتادى. 2022 جىلدىڭ قاڭتارىمەن سالىستىرعاندا باعانىڭ ايلىق ءوسۋ قارقىنى ەكى ەسە (0,7%) ءوستى. سونىمەن قاتار بۇل 2022 جىلدىڭ ناۋرىز ايىنان بەرى سەكتورداعى باعانىڭ اي سايىنعى ەڭ از ءوسۋى.    بىلتىرعى سايكەس كەزەڭدە جىلدىق باعانىڭ ءوسۋى قازىرگى دەڭگەيدەن از بولعان. 2021 جىلدىڭ قاڭتارىنا قاراي 8,4% قىمباتتاعان ەدى.