قازاقستان حالىق پارتياسى توراعاسىنىڭ ورىنباسارى اسحات اسىلبەكوۆ الماتى وبلىسىنىڭ ەڭبەكشىقازاق اۋدانىنا قاراستى شەلەك اۋىلىنىڭ سايلاۋشىلارىمەن كەزدەستى. ايتا كەتۋ كەرەك, پارتيانىڭ سايلاۋالدى باعدارلاماسىندا اگروونەركاسىپ كەشەندەرىن, اۋىلدىق ايماقتاردى دامىتۋعا ايرىقشا كوڭىل بولىنگەن.
ء«بىز – قالالار مەن اۋىلداردىڭ تازا اۋاسى, ساۋلەتتى كەلبەتى ءۇشىن كۇرەسەمىز. ءاربىر ەلدى مەكەن تازا اۋىز سۋعا قول جەتكىزۋگە ءتيىس. سۋمەن جابدىقتاۋ ماسەلەسى دە ۇلتتىق قاۋىپسىزدىكتىڭ ماڭىزدى ماسەلەسىنە اينالىپ وتىر», دەدى اسحات اسىلبەكوۆ.
قحپ وسى ماسەلەنى باقىلاي الاتىن سۋ رەسۋرستارى مينيسترلىگىن قۇرۋ قاجەت دەپ سانايدى. ءتىپتى شالعاي اۋىلدارعا كەڭ جولاقتى ينتەرنەت تە جۇرگىزۋ قاجەت. «اۋىلدىق ايماقتاردى دامىتۋ ماسەلەلەرىن ۇلتتىق ەكونوميكا مينيسترلىگىنەن الىپ, اۋىل شارۋاشىلىعى مينيسترلىگىنە بەرۋ كەرەك. سونىمەن قاتار وڭىرلىك اگرويندۋستريالىق كلاستەرلەردى, اگروونەركاسىپ كەشەندەرى مەن اۋىلدىق ايماقتاردى دامىتۋدىڭ بىرىڭعاي كارتاسىن ازىرلەۋ قاجەت. وسىلايشا, مىڭعا جۋىق ەلدى مەكەن ءىس جۇزىندە اۋقىمدى قۇرىلىس الاڭىنا اينالادى. جاپپاي قۇرىلىس جۇرگىزىلىپ, جاڭا جۇمىس ورىندارى اشىلادى», دەپ ەسەپتەيدى پارتيا باسشىلىعى.
ال قازاقستان حالىق پارتياسىنان پارلامەنت ءماجىلىسى دەپۋتاتتىعىنا كانديدات ماگەررام ماگەرراموۆ پاۆلودار وڭىرىندەگى سايلاۋشىلارمەن كەزدەستى. ۇمىتكەر «پاۆلودار مۇنايحيميا زاۋىتى» جشس-نىڭ ۇجىمىنا پارتيانىڭ سايلاۋالدى باعدارلاماسىن تانىستىردى.
– قازاقستان حالىق پارتياسى جالدامالى جۇمىسشىلاردىڭ, قىزمەتكەرلەردىڭ الەۋمەتتىك قۇقىعىن قورعاۋ جولىندا كۇرەسىپ كەلەدى. ءبىز قۋاتتى ورتا تاپتىڭ قالىپتاسۋىن قولداي وتىرىپ, تابيعي شيكىزاتتى – مۇناي-گاز, مۇناي-حيميا, تاۋ-كەن مەتاللۋرگياسىن ءوندىرۋ جانە وڭدەۋ سالاسى ەڭبەككەرلەرىن دە نازاردان تىس قالدىرمايمىز. بۇگىندە ەل ەكونوميكاسىنداعى قازاقستاننىڭ تاۋ-كەن مەتاللۋرگيا كەشەنى ءىجو-ءنىڭ شامامەن 10 پايىزىن, ونەركاسىپتىك ءوندىرىستىڭ جانە بارلىق ەكسپورتتىڭ 25 پايىزىن قۇرايدى. سالادا 200 مىڭنان استام جۇمىسشى ەڭبەك ەتەدى. قىزمەتكەرلەردىڭ 90 پايىزعا جۋىعى كاسىپوداققا مۇشە. ولاردىڭ الەۋمەتتىك-ەڭبەك قۇقىقتارى ۇجىمدىق شارتتاردا جانە سالالىق كەلىسىمدە كورسەتىلگەن, – دەدى م.ماگەرراموۆ.