جوسپار جولىنان جاڭىلماسا, جۇمىسسىزدار ازايادى

– جىلدىڭ باسىندا وڭىرلىك جۇ­مىس­پەن قامتۋ كارتالارى بەكىتىلدى. سول كارتا بويىنشا 950 مىڭعا جۋىق ادامدى جۇمىسقا ورنالاستىرۋ جوس­پار­لانعان. ونىڭ ىشىندە سۋبسيديالاناتىن جۇمىس ورىندارىنا – 231,3 مىڭ ادام, مەملەكەت باسشىسىنىڭ «10 مىڭ حالىققا 100 جۇمىس ورنى» باس­تاماسى اياسىندا – 341,8 مىڭ ادام, جۇمىس بەرۋشىلەر ۇسىنعان بوس جۇمىس ورىندارىنا 320,4 مىڭ ادامدى ورنالاستىرۋ كوزدەلىپ وتىر, – دەدى ۆيتسە-مينيستر.

سپيكەردىڭ ايتۋىنشا, قازىردىڭ وزىندە اتالعان باعىتتار بويىنشا 117 مىڭنان اسا ازامات جۇمىسقا تۇرعان. سونىمەن قاتار جيىندا مينيسترلىك وكىلى ەلدەگى جۇمىسسىزداردىڭ ناقتى سا­نىن ايتتى. رەسمي ستاتيستيكا دە­رەك­تەرى بويىنشا, ەلىمىزدە 456 مىڭ جۇ­مىسسىز تۇلعا, 2,1 ملن ءوزىن-ءوزى جۇ­مىسپەن قامتۋشى بار.

بريفينگتە جۇمىسپەن قامتۋعا جاردەمدەسۋ جونىندەگى بارلىق شارانى جۇمىسپەن قامتۋ ورتالىعىنا كەلىپ جۇرمەي, ەلەكتروندى ەڭبەك بيرجاسى – Enbek.kz. پورتالى ارقىلى دا قاشىقتان الا الاتىنى ايتىلدى. سونداي-اق جۋرناليستەر سۇراعىنا وراي كاسىپكەرلىك باستامالاردى قول­داۋ تەتىكتەرى – بيزنەس-يدەيالاردى قۇ­رۋ­عا جانە دامىتۋعا 2,5% گرانتتار مەن شاعىن كرەديتتەر بەرۋ تۋرالى مالىمەتكە قانىقتىق.

«كاسىپكەرلىكتى دامىتۋ جونىندەگى 2021-2025 جىلدارعا ارنالعان ۇلتتىق جو­بانى ىسكە اسىرۋ شەڭبەرىندە بيز­نەس يدەيالاردى ىسكە اسىرۋ ءۇشىن گرانت­تار الۋعا ءبىرىنشى لەك بويىنشا وتىنىمدەر قابىلداۋ باستالدى. ءبى­رىنشى اعىن اياسىندا 2,6 مىڭعا جۋىق­ گرانت بەرۋ جوسپارلانىپ وتىر. جالپى, 2023 جىلى 9 مىڭ ادام گرانت الادى. وعان 12,4 ملرد تەڭگە قاراستىرىلعان», دەدى و.ورداباەۆ.

و.ورداباەۆتىڭ ايتۋىنشا, گرانت سوماسى 400 اەك-كە دەيىن بولادى, ال وعان حالىقتىڭ الەۋمەتتىك وسال ساناتتارى قاتىسا الادى. وعان قاتىسۋعا ءوتىنىمدى business.enbek.kz پورتالى ارقىلى ونلاين رەجىمدە راسىمدەۋگە بولادى.

– اسىرەسە جاستاردىڭ كاسىپكەرلىك باستامالارىن قولداۋ ءۇشىن بيىل 2,5% جەڭىلدىكپەن نەسيە بەرۋ تەتىگى ىسكە قوسىلدى. وعان 29 ملرد تەڭگە ءبولىندى, بۇل 5,8 مىڭ ادامدى قامتۋعا مۇمكىندىك بەرەدى. قارىزدىڭ ەڭ جوعارى كولەمى – 5 ملن تەڭگە. نەسيە بەرۋ مەرزىمى مال شارۋاشىلىعىن قوسپاعاندا, كەز كەلگەن ماقسات ءۇشىن 5 جىلعا دەيىن بولۋى مۇمكىن. ال قىز­مەت باعىتى ءۇشىن 7 جىلعا دەيىن بولادى, – دەدى ۆيتسە-مينيستر.

كرەديتتەر كونكۋرستىق كوميس­سيا­نىڭ شەشىمى نەگىزىندە «اگرارلىق كرەديتتىك كورپوراتسيا» اق ارقىلى بەرىلەدى. حالىقتىڭ جەكەلەگەن ساناتتارى ءۇشىن ارنايى جوبالار دا قا­راس­تى­رىلعان. ال «كۇمىس جاس» جوبا­سىنا قاتىستى ساۋالعا وراي ۆيتسە-مينيستر ءبىرشاما وزگەرىس ەنگىزىلگەنىن جەتكىزدى.

– زەينەتكەرلىك جاسقا دەيىنگى ادام­داردى جۇمىسقا ورنالاستىرۋ مۇم­كىندىگىن كەڭەيتۋ ءۇشىن «كۇمىس جاس» جوباسىنا وزگەرىستەر ەنگىزىلدى. ماسەلەن, جوباعا قاتىسۋشىلاردىڭ جاسى 50 جاسقا دەيىن تومەندەتىلدى جانە ولاردىڭ جالاقىسىن سۋبسي­ديا­لاۋ مەرزىمى 3 جىلعا دەيىن ۇلعاي­تىل­دى. بۇعان قوسا مۇگەدەكتىگى بار ادامدار ءۇشىن ارنايى جۇمىس ورىندارىن ۇيىمداستىرۋ تەتىگى قايتا قا­رال­دى. جۇمىس بەرۋشىلەرگە جۇمىس ورنىن ۇيىمداستىرۋ ءۇشىن 300 اەك-كە دەيىنگى مولشەردە شىعىندار وتەلەدى. بۇل رەتتە مەملەكەت 3 جىل ىشىن­دە جۇمىسقا ورنالاستىرىلعان ادام­داردىڭ جالاقىسىن دا سۋبسيديا­لايدى, – دەدى ول.

ال جۇمىس تاجىريبەسى جوق جاستار ءۇشىن «جاستار پراكتيكاسى» جانە ء«بىرىن­شى جۇمىس ورنى» جوبالارىن ىسكە اسىرۋ جالعاستىرىلاتىن بولدى.

– ءموبيلدى وقۋ ورتالىقتارى مەن ءموبيلدى جۇمىسپەن قامتۋ ورتا­لىق­­­تارىن ۇيىمداستىرۋ ارقىلى شال­عاي­داعى ەلدى مەكەندەردى قامتۋ بو­يىنشا جۇرگىزىلىپ جاتقان جۇمىستار ەرەكشە نازار اۋدارۋعا لايىق. ار­نا­يى جابدىقتالعان جىلجىمالى وقۋ ورتالىقتارى قىسقا مەرزىمدى كۋرس­تار­عا قولجەتىمدىلىكتى, پراكتيكادان ءوتۋ مۇمكىندىگىن قامتاماسىز ەتەدى. قازىر ولار ەلىمىزدىڭ 6 وڭىرىندە بار. ماسەلەن, اباي, اقمولا, اقتوبە, شىعىس قازاقستان, قوستاناي جانە ماڭعىستاۋ وڭىرلەرىندە قولجەتىمدى, – دەدى سپيكەر.

موبيلدىك جۇمىسپەن قامتۋ ورتا­لىقتارى حالىقتى جۇمىسپەن قام­تۋ شارالارى تۋرالى حاباردار ەتۋدى ارتتىرۋ, سونداي-اق كەيىننەن جۇ­­مىسقا ورنالاستىرۋ ءۇشىن ۇيىم­داس­تىرىلعان. جىل سوڭىنا دەيىن بارلىق وڭىرگە 2,9 مىڭ مامان بارۋ جوسپارلانىپ وتىر.