اتىراۋ قالاسىنىڭ №2 سوتىندا مەملەكەتتىك فۋنكتسيالاردى ورىنداۋعا ۋاكىلەتتىك بەرىلگەن ادام بولا تۇرا, ءىرى مولشەردە بىرنەشە رەت پارا الۋ فاكتىسى بويىنشا اتىراۋ وبلىسى كولىكتىك باقىلاۋ ينسپەكتسياسىنىڭ باس مامانى س.-عا قاتىستى قىلمىستىق ءىس قارالدى, دەپ حابارلايدى Egemen.kz atpress.kz-كە سىلتەمە جاساپ.
اتىراۋ وبلىسى بويىنشا كولىكتىك باقىلاۋ ينسپەكتسياسىنىڭ باس مامانى س. قر «اۆتوموبيل كولىگى تۋرالى» زاڭناماسىنىڭ ساقتالۋىنا باقىلاۋدى جۇزەگە اسىرۋ جانە ءىرى گاباريتتى نەمەسە اۋىر سالماقتى كولىك قۇرالدارىنىڭ اتىراۋ وبلىسى اۋماعىنان ءجۇرىپ ءوتۋىن قاداعالاۋ بارىسىندا زاڭدى تۇلعالاردىڭ كولىكتەرىن تەكسەرمەي جانە اكىمشىلىك جاۋاپكەرشىلىككە تارتپاي, ولاردىڭ اتىراۋ وبلىسى اۋماعىندا ەركىن جانە كەدەرگىسىز قوزعالۋىنا ىقپال جاساعانى ءۇشىن 2020-2022 جىلدار ارالىعىندا بارلىعى 13 جشس-نەن پارا رەتىندە بىرنەشە رەت, ءىرى مولشەردە جالپى سومماسى 23 817 000 تەڭگە اقشا قاراجاتتارىن جۇبايىنىڭ, اناسىنىڭ, ەنەسىنىڭ, ارىپتەسىنىڭ جۇبايىنىڭ اتتارىنداعى «Kaspi Gold» قوسىمشاسىنداعى شوتتارى ارقىلى العان.
كورسەتىلگەن ءمان-جايلار مەن سوتتالۋشىنىڭ كىناسى كۋالاردىڭ ايعاقتارىمەن, ءجتا ناتيجەلەرىمەن, بەينەجازبالارىمەن, ارنايى تەكسەرۋ قۇجاتتارىمەن, سوت فونوگرافيالىق, سوت پسيحولوگيالىق-فيلولوگيالىق ساراپتامالار جانە اۋديتورلىق قورىتىندىلارىمەن ءوز دالەلىن تاپتى.
تاراپتاردىڭ پوزيتسياسىنا كەلسەك, پروكۋرور سوتتالۋشى س.-نى ءومىر بويىنا مەملەكەتتىك قىزمەتتە لاۋازىمداردى اتقارۋ قۇقىعىنان ايىرا وتىرىپ, 8 جىل مەرزىمگە باس بوستاندىعىنان ايىرۋ تۇرىندەگى جازا تاعايىنداۋدى تالاپ ەتكەن. سوتتالۋشى وزىنە تاعىلعان ايىپپەن كەلىسپەي, ءوزىن اقتاۋدى سۇراعان.
سوت شەشىمىمەن, قك-ءتىڭ 366-بابىنىڭ 3-بولىگىنىڭ 3,4-تارماقتارىنىڭ سانكتسياسىندا مۇلكى تاركىلەنىپ, بەلگىلى ءبىر لاۋازىمداردى اتقارۋ نەمەسە بەلگىلى ءبىر قىزمەتپەن اينالىسۋ قۇقىعىنان ءومىر بويىنا ايىرا وتىرىپ, پارانىڭ 60 ەسەلەنگەننەن 70 ەسەلەنگەنگە دەيىنگى سوماسى مولشەرىندە ايىپپۇل سالۋ نە 7 جىلدان 12 جىلعا دەيىنگى مەرزىمگە باس بوستاندىعىنان ايىرۋ جازاسى كوزدەلگەن.
سوت س.-نىڭ قىلمىستىق جاۋاپتىلىعى مەن جازاسىن جەڭىلدەتەتىن ءمان-جاي رەتىندە ونىڭ اسىراۋىندا جاس بالالارىنىڭ بولۋىن تانىدى. سوتتالۋشىلاردىڭ قابىلداعان كاسىبي انتتى بۇزۋى جازانى اۋىرلاتاتىن جاعداي دەپ تانىلدى.
سوت ۇكىمىمەن س.-عا ءومىر بويىنا مەملەكەتتىك قىزمەتتە لاۋازىمداردى اتقارۋ قۇقىعىنان ايىرا وتىرىپ, 8 جىل مەرزىمگە باس بوستاندىعىنان ايىرۋ جازاسى تاعايىندالدى. ايتا كەتەيىك, سوت ۇكىمى زاڭدى كۇشىنە ەنگەن جوق.