بۇگىندە عىلىمي تەحنولوگيا وتە تەز دامىپ جاتىر. الايدا, عالىمدار ادامزاتتىڭ جەتىستىگى - جاساندى ينتەللەكت ادام مۇمكىندىگىن شەكتەيتىنىن ايتادى, دەپ حابارلايدى Egemen.kz.
قازىر جاساندى ينتەللەكت ارقىلى شىعارما نەمەسە ەسسە جازۋعا بولادى. مۇنداي بوتتار ءبىلىم الۋشىلاردىڭ اراسىندا تانىمال. جاساندى ينتەللەكتىڭ جازىپ بەرگەنىن ادامنىڭ جازعانىنان ايىرۋ قيىن. ويتكەنى ول شىعارما نەمەسە ەسسەنى 70 پايىز جۇيەلى جازادى. ءتىپتى كەيبىر بوتتار 97 پايىز انتيپلاگياتتان وتەتىن ماتىندەردى دە دايىنداپ بەرە الادى. عالىمدار مۇنداي الگوريتم ادام ساناسىنىڭ دامۋىن تەجەيدى دەپ قاۋىپتەنەدى. ولاردىڭ ايتۋىنشا, جاساندى ينتەللەكتتىڭ الگوريتمدەرى ادامنىڭ ويلاۋ قابىلەتىنەن دە اسىپ كەتۋى مۇمكىن.
جاقىندا اقش-تىڭ OpenAI كومپانياسى ءماتىن جازاتىن ChatGPT بوتىن ىسكە قوستى. زەرتتەۋشىلەر باعدارلامالىق جاساقتاما كەز كەلگەن تاپسىرمانى ورىنداۋ ماقساتىندا جانە ەمتيحان كەزىندە ەسەپتەردى شىعارۋ ءۇشىن پايدالانىلۋى مۇمكىن دەپ الاڭدايدى. سەبەبى وقۋشىلار مەن ستۋدەنتتەر ءوز ينتەللەكتىن دامىتۋدىڭ ورنىنا وسىنداي كومەكشى بوتتارعا ءجيى جۇگىنەدى.
وسىعان بايلانىستى OpenAI كومپانياسى ادامنىڭ نەمەسە بوتتىڭ جازعانىن انىقتايتىن باعدارلامانى دا ازىرلەدى.
«بۇل جۇيە ارقىلى جاساندى ينتەللەكت جازعان بارلىق ءماتىندى 100 پايىز انىقتاۋ مۇمكىن بولماسا دا, كوبىن انىقتاي الادى», دەيدى جۇيەنى قۇراستىرۋشىلار.