كاسىپكە باۋلىعان «ارەكەت»

جوبا اياسىندا جۇمىسسىز ايەل­دەرگە تەگىن وقىتۋ كۋرستارى ۇيىم­داستىرىلىپ, كەيىن شا­عىن كاسىبىن اشۋعا كومەك كورسە­تىلگەن. تەگىن وقىتۋ كۋرستارىنا قۇرمانعازى, يساتاي, يندەر, ماحامبەت, جىلىوي, ماقات جانە قىزىلقوعا اۋداندارىنداعى شالعاي اۋىلداردىڭ, سونداي-اق اتىراۋ قالاسى مەن وعان تاياۋ ورنا­لاسقان ەركىنقالا, كەڭ­وزەك, المالى, دامبى, اقساي, قايىر­شاقتى ەلدى مەكەندەرىنىڭ ايەلدەرى تارتىلعان.

– كەزىندە ءبىزدىڭ اجەلەرىمىز بىرەۋىن ارقالاپ, ەكىنشىسىن جەتەكتەپ, تىنباي ەڭبەك ەتىپ, ون شاقتى بالاسىن جەتكىزگەنىن بىلەمىز. ال 100 انا كاسىبىن اشىپ, نە جۇ­مىس­قا ورنالاسىپ, تابىس تاپسا, وت­باسىنىڭ كىرىسىن مولايتۋعا ۇلە­سىن قوسار ەدى. «انا ءبىر قولى­مەن بەسىكتى, ەكىنشى قولىمەن الەم­دى تەربەتەدى» دەگەندەي, ايەل­دەر جۇمىس ىستەۋگە دە, ءۇي تىر­لى­گىن اتقارۋعا دا ۇلگەرەدى, – دەيدى «ەمبىمۇنايگاز» اق باس ديرەكتورىنىڭ ورىنباسارى رىس­تى تاسماعامبەتوۆا.

جاڭا جوباعا قاتىسۋشىلار «تىگىن», «اسپازدىق شەبەرلىك», «كون­ديتەرلىك ءىس», «شاشتاراز» جانە «تازالاۋ قىزمەتى» بويىن­شا تەوريالىق ءبىلىم الىپ, تاجى­ريبەدەن وتكەن. ماسەلەن, اسپازدار «Aru Plaza», «Star» مەيرامحانالارىندا, كونديتەرلەر «Take the Cake Studio» كونديتەرلىك تسەحىندا, تىگىنشىلەر «DART LUX» تىگىن تسەحىندا, شاشتارازدار «ADIA» سالونىندا جانە كلينينگ قىزمەتىن ۇيرەنۋشىلەر «ۆ پوموشش حوزيايكە» كلينينگتىك قىزمەت كومپانياسىندا كاسىپتىڭ قىر-سىرىن مەڭگەرگەن. سونداي-اق «كاسىپكەرلىك داعدىلاردى وقىتۋ», «كونتەنت جانە SMM – الەۋمەتتىك جەلىلەردى دامىتۋ», «شەشەندىك ونەر, كوپشىلىك الدىندا سويلەۋ داعدىلارى» بويىنشا كۋرستان وتكەن. ال تالىمگەرلەر جوبا تۇلەكتەرىنە ەكى اي بويى قولداۋ كورسەتەدى.

تەگىن كۋرستى اياقتاعان 100 اناعا تاۋار تۇرىندەگى گرانتتار بەرىلدى. تىگىنشى كۋرسىن بىتىرگەن – 4, شاشتاراز ماماندىعىن العان – 5, كلينينگتىك قىزمەتتى مەڭگەرگەن – 3, اسپازدىق شەبەرلىگىن شىڭ­داعان 2 انا تۇراقتى جۇمىسقا ورنالاسقان. ال 20 انا ءوز كاسىبىن ءۇي جاعدايىندا اشىپ وتىر.

– جۇبايىم جۇمىستان شىعىپ قالىپ, يپوتەكامەن ساتىپ العان باسپانامىزدىڭ بەرەشەگى تىم كوبەيىپ كەتكەن بولاتىن. اكىمدىك ۇيىمىزگە قاراپ, ء«بارى جاقسى عوي» دەگەنگە كەلتىردى. بىراق كۇيەۋىم دە, بالام دا – مۇمكىندىگى شەكتەۋلى جاندار. قا­رىزعا باتىپ, قاتتى قينالعان ەدىك. تاعدىردىڭ سىناعى عوي دەپ ءتوزىپ جۇرگەندە, وسى جوبانىڭ باس­تال­عانىن ەستىدىك. ءوزىم جوباعا قا­تىستىم. جوبا ءبىزدىڭ ءۇمىتىمىزدى وياتىپ, ەڭسەمىزدى كوتەردى, – دەيدى اقبوتا وتەپ­بەرگەنوۆا.

ال بەس بالانىڭ اناسى اقبوتا الداشەۆا دا جوبا اياسىندا شاشتاراز كۋرسىن بىتىرگەن. قازىر ول سۇلۋلىق سالونىنا تۇراقتى جۇمىسقا ورنالاسقان.

– كاسىپتى مەڭگەرۋ ءبىر باسقا, الەۋمەتتىك جەلىدە وقىرمان تار­تۋ­دىڭ قىر-سىرىنا قانىعۋ تىپتەن بولەك ەكەن. ءتىپتى تالىم­گەرلەر ادام­دارمەن جايلى قارىم-قا­تى­ناس ورناتۋ ءۇشىن سويلەسۋ مانە­رىن ۇيرەتتى. وسىنداي قا­دام­داردىڭ جەمىسىن كورە باس­تادىم. قازىر مەنىڭ تۇراقتى كليەنت­تەرىمنىڭ قاتارى كوبەيىپ كەلەدى. كاسىبىمە قاتىستى ءتۇرلى يدەيانى ىسكە اسىرىپ وتىرمىن, – دەپ جاڭالىعىمەن ءبولىستى ا.الداشەۆا.

اتىراۋ وبلىسى