ىزدەۋ-قۇتقارۋ جۇمىستارى جۇرگىزىلە باستاعان كۇننەن باستاپ قازاقستان تجم قۇتقارۋشىلارى 7 ادامدى قۇتقارىپ, مەديتسينا قىزمەتكەرلەرىنە تاپسىردى. قايتىس بولعان 85 ادامنىڭ, ونىڭ ىشىندە 10 بالانىڭ دەنەسى ءۇيىندى استىنان شىعارىلدى, دەپ حابارلايدى Egemen.kz تجم ءباسپاسوز قىزمەتىنە سىلتەمە جاساپ.
«قازىر قازاقستان تجم قۇتقارۋشىلارى ەكى ەلدى مەكەندە ىزدەۋ-قۇتقارۋ جۇمىستارىن جالعاستىرىپ جاتىر. قيراعان ۇيلەردىڭ ورنىنداعى ۇيىندىلەردىڭ اراسىن اشۋ جۇمىستارى جۇرگىزىلۋدە. قۇتقارۋشىلار تۇراقسىز قۇرىلىمداردى بولشەكتەۋ جانە ارنايى كەسكىشتىڭ كومەگىمەن جول تازارتۋ جانە قيراندىلاردىڭ استىنان زارداپ شەككەندەردى ىزدەۋدى جەڭىلدەتۋ ءۇشىن ۇيىندىلەردىڭ استىنداعى ارماتۋرانى كەسۋ جۇمىستارىن جالعاستىرىپ جاتىر. بۇل بەتون, ارقالىقتار جانە باسقا دا قۇرىلىس قالدىقتارىن بولشەكتەپ, ارنايى تەحنيكاعا جۇكتەۋدى جەڭىلدەتۋ ءۇشىن جاسالادى», دەلىنگەن ۆەدومستۆو حابارلاماسىندا.
گازيانتەپ قالاسىندا ءبىرىنشى ەشەلونمەن بارعان قۇتقارۋشىلار تاۋلىك بويى, اۋىسىممەن جۇمىس ىستەپ جاتىر.