بولگاريادا دزيۋدودان اشىق ەۋروپا كۋبوگى ءوز مارەسىنە جەتتى. قورعانىس مينيسترلىگى ورتالىق سپورت كلۋبىنىڭ اسكەري قىزمەتشىسى لەيتەنانت عۇمار قىرعىزباەۆ 66 كەلى سالماقتا كۇمىس جۇلدە يەلەندى, دەپ حابارلايدى Egemen.kz قورعانىس مينيسترلىگىنىڭ ءباسپاسوز قىزمەتىنە سىلتەمە جاساپ.
سپورتشىلاردىڭ بۇل تۋرنيرگە قاتىسۋى 2024 جىلى پاريجدە وتەتىن وليمپيادا ويىندارىنا قاتىسۋ ءۇشىن رەيتينگتىك ۇپاي جيناۋ تۇرعىسىنان ماڭىزدى.
اقتىق سىنعا شىعار الدىندا عۇمار قىرعىزباەۆ بولگاريا, گەرمانيا, ۇلىبريتانيا جانە يتاليا سپورتشىلارىن جەڭدى. عۇمار قىرعىزباەۆ 9 مينۋتقا سوزىلعان شەشۋشى جەكپە-جەكتە عانا ۋكراينالىق ميكيتا حولوبورودكوعا ەسە جىبەرىپ, جەڭىس تۇعىرىنىڭ ەكىنشى ساتىسىنان كورىندى.
جارىسقا الەمنىڭ 46 ەلىنەن 396 دزيۋدوشى قاتىسقانىن ايتا كەتكەن ءجون. ەلىمىزدىڭ اتىنان 9 سپورتشى باق سىنادى.