ءوڭىردىڭ بارلىق وقۋ ورىندارىندا ليتسەنزيالانعان كۇزەت اگەنتتىكتەرىنىڭ قىزمەتكەرلەرى مەن وقىتۋشىلار قۇرامى كەزەكشىلىك ەتەدى, دەپ حابارلايدى Egemen.kz.
وبلىس ءبىلىم باسقارماسىنىڭ ادامگەرشىلىك-رۋحاني تاربيە جانە ءوزىن-ءوزى تانۋ ءبولىمىنىڭ باسشىسى قۇرالاي گازيموۆانىڭ ايتۋىنشا, بارلىق مەكتەپتەردە مۇعالىمدەردىڭ كەزەكشىلىگى ۇيىمداستىرىلىپ, وقىتۋشىلار قۇرامىمەن دە, وقۋشىلارمەن دە ءتۇسىندىرۋ جۇمىستارىن جۇرگىزىلدى.
«بارلىق مەكتەپتەردە وقۋشىلاردىڭ مەكتەپكە بارۋىن ەسەپكە الاتىن ارنايى كۇزەت بار. پوليتسيا مەن قاۋىپسىزدىك اگەنتتىكتەرىنىڭ جەدەل باسقارۋ ورتالىقتارىنا قوسىلعان دابىل تۇيمەلەرى جۇمىس ىستەيدى. وتكەن جىلى ۋاكىلەتتى ورگاندارمەن وقۋ ءىس-شارالارى مەن ءتۇسىندىرۋ جۇمىستارى جۇرگىزىلدى. بۇل باعىتتاعى جۇمىس بيىل دا جالعاسىن تابادى», دەدى قۇرالاي عازيموۆا.
ەسكە سالا كەتسەك, 13 اقپاندا پەتروپاۆل قالاسىنداعى №4 مەكتەپتە توتەنشە جاعداي بولدى. 9-سىنىپ وقۋشىلارىنىڭ ءبىرى مەكتەپكە بالتا مەن پىشاق اكەلىپ, ساباق باستالماي تۇرىپ ورتا مەكتەپ وقۋشىلارىنا شابۋىل جاساعان. وقيعا سالدارىنان ءۇش وقۋشى جاراقاتتاندى, ولاردىڭ ەكەۋى جانساقتاۋ بولىمىنە جاتقىزىلدى.