اتىراۋ وبلىسىنداعى «ارەكەت» جوباسى اياسىندا بىرقاتار كاسىپتەردى يگەرگەن جالعىزباستى, كوپبالالى جانە مۇمكىندىگى شەكتەۋلى بالالار تاربيەلەپ وتىرعان 100 انانىڭ وتىزدان استامى جۇمىسپەن قامتىلدى, دەپ حابارلايدى Egemen.kz.
جوبا «سامۇرىق-قازىنا» اق كومپانيالار توبىنىڭ بىرىڭعاي قايىرىمدىلىق وپەراتورى – «Samruk-Kazyna Trust» الەۋمەتتىك جوبالاردى دامىتۋ قورىنىڭ قولداۋىمەن جۇزەگە استى. «سامۇرىق-قازىنا» كومپانيالار توبىنا, قازاقستاننىڭ باسقا وڭىرلەرىندەگى جۇيەقۇراۋشى كاسىپورىندار سياقتى, جەرگىلىكتى «ەمبىمۇنايگاز» اق, «اتىراۋ مۇناي وڭدەۋ زاۋىتى» جشس جانە تاعى باسقا دا ءوندىرىس مەكەمەلەرى كىرەتىنى بەلگىلى.
«ەمبىمۇنايگاز» كومپانياسى ءىرى مۇناي كاسىپورنى رەتىندە ءوزىنىڭ ەل الدىنداعى الەۋمەتتىك جاۋاپكەرشىلىگىن تەرەڭ سەزىنەدى. وسى ورايدا «Samruk-Kazyna Trust» الەۋمەتتىك جوبالاردى دامىتۋ قورىنىڭ قولداۋىمەن ايماعىمىزدا قولعا الىنعان «ارەكەت» جوباسىنىڭ بۇگىنگى ناتيجەسى ءبارىمىزدى قۋانتىپ وتىر. سەبەبى بارشا «سامۇرىق-قازىنا» اق كومپانيالار توبىنىڭ اتىنان كورسەتىلگەن قولداۋدىڭ ارقاسىندا ۇيدە وتىرعان اتىراۋلىق 100 جۇمىسسىز ايەلگە ءوز كاسىبىمەن اينالىسىپ, تابىس تابۋىنا مۇمكىندىك بەرىلدى. ءتىپتى جالعىزباستى, كوپبالالى انالار, ەرەكشە بالا تاربيەلەۋدەگى 30-دان استام نازىك جاننىڭ قازىردىڭ وزىندە شارۋاسىن باستاپ اكەتكەنى ەرىكسىز سۇيسىندىرەدى!», دەدى جوبا تۇلەكتەرىنە سەرتيفيكاتتار تابىستاۋ راسىمىندە «ەمبىمۇنايگاز» اق باسقارما توراعاسىنىڭ ورىنباسارى رىستى تاسماعامبەتوۆا.
وڭىردەگى ىسكەر ايەلدەر قاۋىمداستىعى مۇرىندىق بولعان, وتكەن جىلى باستاۋ العان جوبا بارىسىندا جۇمىسسىز ايەلدەرگە قارجىلىق تاۋەلسىزدىگىن قامتاماسىز ەتۋ ماقساتىندا تەگىن وقىتۋ كۋرستارى ۇيىمداستىرىلىپ, تۇلەكتەرگە شاعىن بيزنەستەرىن اشۋعا كومەك كورسەتىلدى.
شالعايداعى اۋىل تۇرعىندارىن, ونىڭ ىشىندە قۇرمانعازى, يساتاي, يندەر, ماحامبەت, جىلىوي, ماقات, قىزىلقوعا اۋداندارىن, سونداي-اق ەركىنقالا, كەڭوزەك, المالى, دامبا, اقساي, قايىرشاقتى ەلدىمەكەندەرىن جانە اتىراۋ قالاسىنىڭ قامتىعان باستاماعا «سامۇرىق-قازىنا» كومپانيالار توبى اتىنان 48 ملن تەڭگە قارجى ءبولىندى.
جوباعا قاتىسۋشىلار «تىگىن», «اسپازدىق شەبەرلىك», «كونديتەرلىك ءىس», «شاشتاراز» جانە «تازالاۋ قىزمەتتەرى» بويىنشا تەوريالىق ءبىلىم العاننان كەيىن, ءىس جۇزىندە تاجىريبەدەن ءوتتى. اتاپ ايتساق, اسپازدار «Aru Plaza», «Star» مەيرامحانالارىندا, كونديتەرلەر «Take the Cake Studio» كونديتەرلىك تسەحىندا, تىگىنشىلەر «DART LUX» تىگىن تسەحىندا, شاشتارازدار «ADIA» سالونىندا جانە كلينينگ قىزمەتىن ۇيرەنۋشىلەر «ۆ پوموشش حوزيايكە» كلينينگتىك قىزمەت كومپانياسىندا ءار كاسىپتىڭ قىر-سىرىن مەڭگەردى.
4 اپتالىق وقۋ كۋرستارىنا قوسىمشا 2 اپتا «كاسىپكەرلىك داعدىلاردى وقىتۋ», «كونتەنت جانە SMM – الەۋمەتتىك جەلىلەردى دامىتۋ», «شەشەندىك ونەر, كوپشىلىك الدىندا سويلەۋ داعدىلارى» بويىنشا كۋرستار وتكىزىلدى. سونىمەن قاتار جوبا تۇلەكتەرىنە 2 اي بويى تالىمگەر جەتەكشىلەرى بىرگە ءجۇرىپ, قولداۋ كورسەتەدى.
جوبا تۇلەكتەرى يگى ءىستى قولداعان «سامۇرىق-قازىنا» كومپانيالار توبىنا العىسىن ءبىلدىردى. «Samruk-Kazyna Trust» باس ديرەكتورى الفيا اديەۆا باستاعان توپ بىرنەشە اناعا گرانتتاردى ۇيىنە نەمەسە جوبا ارقاسىندا ورنالاسقان جۇمىس ورنىنا بارىپ تابىستادى.
«جۇبايىم جۇمىستان شىعىپ قالىپ, ءۇيدىڭ يپوتەكا بەرەشەگى موينىمىزدا قالىپ قويدى. اكىمدىك ۇيىمىزگە قاراپ, ءبارى جاقسى عوي دەگەنگە كەلتىرەدى. بىراق بالام دا مۇمكىندىگى شەكتەۋلى, سىناققا ءتوزىپ وتىرمىز. قارىزعا كىرىپ, قاتتى قينالعان ەدىك, مىنا جوبا ەڭسەمىزدى كوتەردى, ءۇمىت سىيلادى», دەپ ءبولىستى جولداسى ءىى توپ مۇگەدەگى اقبوتا وتەپبەرگەنوۆا شاڭىراقتارىنا كەلگەن قۇتتى قوناقتارمەن.
5 بالانىڭ اناسى اقبوتا الداشەۆا, بۇگىنگى تاڭدا, شاشتاراز وقۋىن اياقتاعان سوڭ سۇلۋلىق سالونىنا تۇراقتى جۇمىسقا ورنالاسىپ وتىر.
«الەۋمەتتىك جەلىدە وقىرمان جيناۋدىڭ قىر-سىرىن مەڭگەردىم. ءتىپتى تالىمگەرلەر قالاي سويلەپ, ءجۇرىپ-تۇرۋدى ۇيرەتتى. وسىنداي قادامداردىڭ جەمىسىندە كليەنتتەر پايدا بولىپ, ءتۇرلى يدەيالاردى ىسكە اسىرىپ وتىرمىن», دەپ جاڭالىقتارىن جەتكىزدى ول گرانت تابىستاۋشى تاراپقا.
وقۋدى اياقتاعان 100 تۇلەككە تاۋار تۇرىندەگى گرانتتار بەرىلەدى. بۇگىنگى تاڭدا تىگىن وقۋ كۋرسىن بىتىرگەن 4 انا, شاشتاراز كۋرسىن تامامداعان 5 انا, كلينينگتىك قىزمەت مەڭگەرگەن 3 انا, اسپازدىق شەبەرلىگىن شىڭداعان 2 انا تۇراقتى جۇمىسقا ورنالاستى. سونىمەن قاتار 20 انا ءوز كاسىبىن ءۇي جاعدايىندا اشىپ ۇلگەرىپ, ونى دامىتىپ وتىر.