پاۆلودار وبلىسىندا مەكتەپتەن ءورت شىقتى

وبلىستىق تجد ءباسپاسوز قىزمەتىنىڭ مالىمەتىنشە, 11 اقپان كۇنى ساعات 7:34-تە تەرەڭكول اۋدانى بوبروۆسكي اۋىلدىق وكرۋگىنىڭ  جاسقايرات ورتا مەكتەبىندە توبەسىنەن ءتۇتىن شىققانى جونىندە حابارلاما تۇسكەن.

ء«ورت ءسوندىرۋ بولىمشەسىنىڭ قىزمەتكەرلەرى وقيعا ورنىنا كەلگەندە جاسقايرات  ورتا ءبىلىم بەرۋ مەكتەبىنىڭ ءبىرىنشى قاباتىنىڭ توبەسى ورتەنگەنى انىقتالدى. الدىن الا بولجام بويىنشا, ءورتتىڭ جانۋ اۋماعى 25 شارشى مەتردى قۇرايدى», دەپ ءتۇسىندىردى دەپارتامەنت وكىلدەرى.

ءتىلسىز جاۋ ساعات 9:03-تە وقشاۋلانىپ, ساعات 9.50-دە تولىعىمەن جويىلدى.

ءورتتى سوندىرۋگە پاۆلودار وبلىسى توتەنشە جاعدايلار دەپارتامەنتىنىڭ ءۇش تەحنيكاسى مەن 12  قىزمەتكەرى جۇمىلدىرىلدى. 

ءورتتىڭ شىعۋ سەبەبى مەن كەلتىرىلگەن شىعىن كولەمى انىقتالىپ جاتىر.