اتىراۋ قالاسىندا مەملەكەتتىك كەڭەسشى ەرلان قاريننىڭ توراعالىعىمەن قازاقستان رەسپۋبليكاسى پرەزيدەنتى جانىنداعى جاستار ساياساتى جونىندەگى كەڭەستىڭ كوشپەلى وتىرىسى ءوتتى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
جيىندا مەملەكەت باسشىسىنىڭ تاپسىرماسىمەن دايىندالعان جاستار ساياساتى جونىندەگى تۇجىرىمدامانىڭ جوباسى تانىستىرىلدى. تۇجىرىمداما جاستار ساياساتى باعىتىنداعى جۇمىسقا تىڭ سەرپىن بەرەدى.
كەڭەس وتىرىسىندا «قازاقستان جاستارى» ۇلتتىق بايانداماسىندا ايتىلعان نەگىزگى ماسەلەلەر قاراستىرىلدى. اتاپ ايتقاندا, جاس قازاقستاندىقتاردىڭ كوزقاراسى, سۇرانىسى جانە قۇندىلىقتارى جايىندا اقپارات بەرىلدى.
مەملەكەتتىك كەڭەسشى ماڭىزى بار شەشىمدەردى قابىلداۋ ىسىنە جاستاردى تارتۋدىڭ ءوز ناتيجەسىن بەرگەنىن جەتكىزدى. قازىردىڭ وزىندە كەڭەستىڭ بىرقاتار مۇشەسى بىرنەشە ساياسي ۇيىمنىڭ پارتيالىق تىزىمىنە ەنگەنىن جانە كەيبىرى پارلامەنت ماجىلىسىنە ءبىر مانداتتى وكرۋگتەر ارقىلى سايلاۋعا ءتۇسىپ جاتقانىن ايتتى.
وتىرىس سوڭىندا ەرلان قارين كەڭەس مۇشەلەرىن جاستار ساياساتى جونىندەگى كۇن ءتارتىبىن قالىپتاستىرۋعا جانە ىلگەرىلەتۋگە بەلسەندى قاتىسۋعا, قازاقستاندىق جاستاردىڭ الەۋەتىن قولداپ, ىسكە اسىرۋعا شاقىردى.