سىرتقى ىستەر مينيسترلىگىنىڭ رەسمي وكىلى ايبەك سمادياروۆ قازاقستان ۇكىمەتى سيريا حالقىنا قانداي گۋمانيتارلىق كومەك كورسەتەتىنىن ايتتى, دەپ حابارلايدى Egemen.kz.
«قازاقستان رەسپۋبليكاسىنىڭ پرەزيدەنتى قاسىم-جومارت توقاەۆتىڭ تاپسىرماسىنا سايكەس, قازاقستان ۇكىمەتى جويقىن جەر سىلكىنىسىنەن زارداپ شەككەن سيريا حالقىنا گۋمانيتارلىق كومەك جونەلتەدى. ازىق-ت ۇلىك قاۋىپسىزدىگى جونىندەگى يسلام ۇيىمى ارقىلى كومەك كورسەتىلەدى», دەدى ايبەك سمادياروۆ.
ونىڭ ايتۋىنشا, بۇل ماقساتتارعا رەسپۋبليكالىق بيۋدجەتتەن 160 ميلليون تەڭگەدەن استام قارجى ءبولىندى.
«جالپى سالماعى 50 توننانى قۇرايتىن ازىق-ت ۇلىك, جىلى كيىم, شاتىر جانە توسەك-ورىن تۇرىندەگى كومەك سيريا اراب رەسپۋبليكاسىنىڭ اۋماعىنا ارنايى ۇشاقپەن جەتكىزىلەدى. ءبىرىنشى ۇشاق بۇگىن الماتىدان سيرياعا ۇشىپ كەتتى», دەدى ايبەك سمادياروۆ.
ازىق-ت ۇلىك قاۋىپسىزدىگى جونىندەگى يسلام ۇيىمىنىڭ باسشىلىعى قازاقستاننىڭ ليۆانداعى ەلشىلىگى مەن سيرياداعى قازاقستاننىڭ كونسۋلدىعىنىڭ كومەگىمەن گۋمانيتارلىق جۇكتى سيريانىڭ الەپپو قالاسىنداعى ۋاكىلەتتى وكىلدەرىنە جەكە ءوزى تاپسىرادى.
بۇعان دەيىن قازاقستان جەر سىلكىنىسىنەن زارداپ شەككەن سيرياعا 50 توننا گۋمانيتارلىق كومەك جىبەرگەنى تۋرالى حابارلاعان ەدىك. مەملەكەت باسشىسى قاسىم-جومارت توقاەۆ ۇكىمەتكە سيرياعا گۋمانيتارلىق كومەك كورسەتۋدى تاپسىردى.
ەسكە سالايىق, 6 اقپاندا تۇركيانىڭ وڭتۇستىك-شىعىسىنداعى كاحرامانماراس پروۆينتسياسىندا ماگنيتۋداسى 7,7 بولاتىن جەر سىلكىنىسى بولدى.