مەردىگەرلەرگە قويىلاتىن مۇنداي تالاپتاردى «جايلى مەكتەپ» ۇلتتىق جوباسىنىڭ بىرىڭعاي وپەراتورى «Samruk-Kazyna Construction» كومپانياسى بەلگىلەپ وتىر. كومپانيا 2025 جىلعا قاراي قازاقستان رەسپۋبليكاسىنىڭ بارلىق ايماعىندا 401 جاڭا مەكتەپ سالۋدى كوزدەيدى, دەپ حابارلايدى Egemen.kz.
ەلىمىزدەگى مەكتەپتەر نەگىزىنەن كسرو كەزىندە سالىنعان, كوپشىلىگى ەرەكشە بالالار ءۇشىن وتە قولايسىز. جاڭا مەكتەپتەردى بارلىق وقۋشىنىڭ قاجەتتىلىگىن ەسكەرە وتىرىپ, زاماناۋي تەحنولوگيالاردى قولدانىپ سالۋ جوسپارلاندى. كەدەرگىسىز, ىڭعايلى كەڭىستىك: ارنايى پاندۋستار, ليفتىلەر, دارەتحانا بولمەلەرى بولادى.
سونداي-اق ءاربىر مەكتەپتە ينكليۋزيۆ ءبىلىم بەرۋ كابينەتى بولۋى كەرەك. مۇنىڭ ءبارى بالالاردىڭ قوعامعا جاقسىراق بەيىمدەلۋىنە قاجەت العىشارتتارمەن قامتاماسىز ەتەدى.