2022 جىلدىڭ جازىندا ۇستالعان پەتروپاۆل قالاسىنىڭ 20 جاستاعى تۇرعىنى 10 جىلعا باس بوستاندىعىنان ايىرىلدى, دەپ حابارلايدى Egemen.kz.
سقو پوليتسيا دەپارتامەنتىنىڭ حابارلاۋىنشا, ايىپتالۋشىدان مەفەدرون ەسىرتكى زاتى سالىنعان 4 بۋما تاركىلەندى. تەرگەۋ بارىسىندا قالا تۇرعىنى عالامتور جەلىسىندە بىردەن ەكى اككاۋنت تىركەپ الىپ, بەلسەندى تۇردە جۇمىس ىستەگەنى انىقتالدى. وعان قاتىستى ماتەريالدار قازاقستان رەسپۋبليكاسى قىلمىستىق كودەكسىنىڭ 297-بابىنىڭ 3-بولىگى (ەسىرتكى, پسيحوتروپتىق زاتتاردى وتكىزۋ, بەرۋ نەمەسە وتكىزۋ ماقساتىندا زاڭسىز دايىنداۋ, قايتا وڭدەۋ, يەمدەنۋ, ساقتاۋ, تاسىمالداۋ) بويىنشا ماتەريالدار سوتقا جولداندى. ناتيجەسىندە ول 10 جىلعا باس بوستاندىعىنان ايىرىلدى.
«سينتەتيكالىق ەسىرتكى ساتۋدىڭ جولىن كەسۋ – پوليتسيانىڭ ءبىرىنشى كەزەكتەگى مىندەتتەرىنىڭ ءبىرى. ەستەرىڭىزگە سالا كەتەيىك, سينتەتيكالىق ەسىرتكىنىڭ ۇلكەن مولشەرى ءبىر گراممنان باستالادى», دەدى سقو پد باسشىسى يۆان تەرزيدي.