قاسىم-جومارت توقاەۆ تۇركيا رەسپۋبليكاسىنىڭ قازاقستانداعى ەلشىلىگىنە بارىپ, باۋىرلاس ەلدىڭ وڭتۇستىك-شىعىسىندا بولعان الاپات ءزىلزالا سالدارىنان مىڭداعان ادامنىڭ قازا تابۋىنا بايلانىستى كوڭىل ايتتى, دەپ حابارلايدى Egemen.kz اقورداعا سىلتەمە جاساپ.
سونداي-اق قازاقستاننىڭ جان-جاقتى قولداۋ كورسەتەتىنىن جەتكىزدى. پرەزيدەنت كوڭىل ايتۋ كىتابىنا جازبا قالدىردى.
– تۇركيادا بولعان جويقىن جەر سىلكىنىسى سالدارىنان كوپ ادامنىڭ قازا بولۋى بارشامىزدىڭ قابىرعامىزدى قايىستىردى. قازاقستان حالقىنىڭ جانە جەكە ءوز اتىمنان تۇرىك باۋىرلارىمىزعا كوڭىل ايتامىن, – دەپ جازدى مەملەكەت باسشىسى.