اقمولا وبلىسىندا «زەكەت جانە قايىرىمدىلىق» قورىنىڭ «ەل ۇلەسى – پاتەرگە» جوباسى اياسىندا باسپاناعا اسا مۇقتاج وتباسىعا 626-ءۇيدىڭ كىلتى تابىستالدى, دەپ حابارلايدى Egemen.kz قمدب ءباسپاسوز قىزمەتىنە سىلتەمە جاساپ.
يگى ءىس-شاراعا باس ءمۇفتي كەڭەسشىسى كەنجەتاي بايكەمەل ۇلى, «زەكەت جانە قايىرىمدىلىق» قورىنىڭ ديرەكتورى ماقساتبەك قايىرعاليەۆ, سونداي-اق رەسپۋبليكالىق باس مەشىتتىڭ يمامى قانات قىدىرمين مەن اقمولا وبلىسىنىڭ باس يمامى قۋانىش جۇماباي ۇلى ارنايى قاتىستى.
ەسكە سالا كەتەيىك, 22 قاڭتاردا اقمولا وبلىسى تسەلينوگراد اۋدانىنىڭ راقىمجان قوشقارباەۆ اۋىلدىق-وكرۋگىنە قاراستى سارىكول اۋىلىندا تۇراتىن ەرجان رىمبەك ۇلىنىڭ ءۇيى ورتەنىپ, تولىق جانىپ كەتكەن ەدى. قىستىڭ كوزى قىراۋدا باسپاناسىز قالعان وتباسىعا «زەكەت جانە قايىرىمدىلىق» قورى ءدىن قىزمەتكەرلەرىنىڭ جانە جومارت جانداردىڭ ۇيىتقى بولۋىمەن پاتەر سىيلاپ وتىر. قامىققان وتباسىنى قۋانتقان يگى شارادا ۇلكەندەر باتا بەرىپ, شاشۋ شاشتى. ءدىن قىزمەتكەرلەرى ەرجان رىمبەك ۇلىنىڭ جاڭا باسپاناسىنا بەرەكە تىلەپ, جۇرەكجاردى لەبىزىن ءبىلدىردى.
استاناداعى رەسپۋبليكالىق باس مەشىتتە سانتەحنيك قىزمەتىن اتقارىپ جۇرگەن ەرجان رىمبەك ۇلىنىڭ جۇبايى ەكىنشى توپتاعى مۇگەدەك, ال ۇلكەن قىزى بالالاردىڭ تسەرەبرالدى سال (دتسپ) اۋرۋىنا شالدىققان.