2014 جىلعى 31 مامىر, استانا, ۇكىمەت ءۇيى
تەحنيكالىق جانە كاسىپتىك, ورتا بىلىمنەن كەيىنگى ءبىلىم بەرەتىن ۇيىمدارعا قۇجاتتار قابىلداۋ» مەملەكەتتىك كورسەتىلەتىن قىزمەت ستاندارتىن بەكىتۋ تۋرالى
«مەملەكەتتىك كورسەتىلەتىن قىزمەتتەر تۋرالى» 2013 جىلعى 15 ساۋىردەگى قازاقستان رەسپۋبليكاسىنىڭ زاڭى 6-بابىنىڭ 3) تارماقشاسىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى:
1. قوسا بەرىلىپ وتىرعان «تەحنيكالىق جانە كاسىپتىك, ورتا بىلىمنەن كەيىنگى ءبىلىم بەرەتىن ۇيىمدارعا قۇجاتتار قابىلداۋ» مەملەكەتتىك كورسەتىلەتىن قىزمەت ستاندارتى بەكىتىلسىن.
2. «قازاقستان رەسپۋبليكاسى ءبىلىم جانە عىلىم مينيسترلىگى, جەرگىلىكتى اتقارۋشى ورگاندار كورسەتەتىن ءبىلىم جانە عىلىم سالاسىنداعى مەملەكەتتىك قىزمەت ستاندارتتارىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2012 جىلعى 31 تامىزداعى № 1119 قاۋلىسىنا (قازاقستان رەسپۋبليكاسىنىڭ ءپۇاج-ى, 2012 ج., № 68, 984-قۇجات) مىناداي وزگەرىس ەنگىزىلسىن:
1-تارماقتىڭ 16) تارماقشاسى الىنىپ تاستالسىن.
3. وسى قاۋلى العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ پرەمەر-ءمينيسترى ك.ءماسىموۆ.
قازاقستان رەسپۋبليكاسى ۇكىمەتىنىڭ 2014 جىلعى 31 مامىرداعى №599 قاۋلىسىمەن بەكىتىلگەن
«تەحنيكالىق جانە كاسىپتىك, ورتا بىلىمنەن كەيىنگى ءبىلىم بەرەتىن
ۇيىمدارعا قۇجاتتار قابىلداۋ» مەملەكەتتىك كورسەتىلەتىن قىزمەت ستاندارتى
1. جالپى ەرەجەلەر
1. «تەحنيكالىق جانە كاسىپتىك, ورتا بىلىمنەن كەيىنگى ءبىلىم بەرەتىن ۇيىمدارعا قۇجاتتار قابىلداۋ» مەملەكەتتىك كورسەتىلەتىن قىزمەتى (بۇدان ارى – مەملەكەتتىك كورسەتىلەتىن قىزمەت).
2. مەملەكەتتىك كورسەتىلەتىن قىزمەت ستاندارتىن قازاقستان رەسپۋبليكاسى ءبىلىم جانە عىلىم مينيسترلىگى (بۇدان ءارى – مينيسترلىك) ازىرلەدى.
3. مەملەكەتتىك قىزمەتتى تەحنيكالىق جانە كاسىپتىك, ورتا بىلىمنەن كەيىنگى ءبىلىم بەرەتىن وقۋ ورىندارى (بۇدان ءارى – كورسەتىلەتىن قىزمەتتى بەرۋشى) كورسەتەدى.
وتىنىشتەردى قابىلداۋ جانە مەملەكەتتىك قىزمەت كورسەتۋ ناتيجەلەرىن بەرۋ تەحنيكالىق جانە كاسىپتىك, ورتا بىلىمنەن كەيىنگى ءبىلىم بەرەتىن وقۋ ورنىنىڭ بازاسىندا جۇرگىزىلەدى.
2. مەملەكەتتىك قىزمەت كورسەتۋ ءتارتىبى
4. مەملەكەتتىك قىزمەت كورسەتۋ مەرزىمدەرى:
1) مىنالارعا تۇسەتىن كورسەتىلەتىن قىزمەتتى الۋشىلار ءۇشىن كورسەتىلەتىن قىزمەتتى بەرۋشىگە قۇجاتتار توپتاماسى تاپسىرىلعان ساتتەن باستاپ:
كۇندىزگى وقۋ نىسانىنا – 20 تامىزدان كەشىكتىرمەي;
كەشكى جانە سىرتتاي وقۋ نىسانىنا – 20 قىركۇيەكتەن كەشىكتىرمەي;
2) كورسەتىلەتىن قىزمەتتى الۋشىنىڭ كورسەتىلەتىن قىزمەتتى بەرۋشىگە قۇجاتتار توپتاماسىن تاپسىرۋى ءۇشىن كۇتۋدىڭ رۇقسات ەتىلگەن ەڭ ۇزاق ۋاقىتى – 15 مينۋتتان اسپايدى;
3) كورسەتىلەتىن قىزمەتتى الۋشىعا قىزمەت كورسەتۋدىڭ رۇقسات ەتىلگەن ەڭ ۇزاق ۋاقىتى – 15 مينۋتتان اسپايدى.
5. مەملەكەتتىك قىزمەت كورسەتۋ نىسانى: قاعاز تۇرىندە.
6. مەملەكەتتىك قىزمەت كورسەتۋ ناتيجەسى تەحنيكالىق جانە كاسىپتىك, ورتا بىلىمنەن كەيىنگى ءبىلىم بەرەتىن وقۋ ورنىنا قۇجاتتاردىڭ قابىلدانعانى تۋرالى قولحات بولىپ تابىلادى.
7. مەملەكەتتىك قىزمەت تەگىن كورسەتىلەدى.
8. كورسەتىلەتىن قىزمەتتى بەرۋشىنىڭ جۇمىس كەستەسى: قازاقستان رەسپۋبليكاسىنىڭ ەڭبەك زاڭناماسىنا سايكەس دەمالىس جانە مەرەكە كۇندەرىن قوسپاعاندا, دۇيسەنبى – جۇما ارالىعىندا, كورسەتىلەتىن قىزمەتتى بەرۋشىنىڭ بەلگىلەنگەن جۇمىس كەستەسىنە سايكەس ساعات 13.00-دەن 14.30-عا دەيىن تۇسكى ۇزىلىسپەن ساعات 9.00-دەن 18.30-عا دەيىن.
قابىلداۋ الدىن الا جازىلۋسىز جانە جەدەلدەتىپ قىزمەت كورسەتۋسىز جۇزەگە اسىرىلادى.
9. كورسەتىلەتىن قىزمەتتى الۋشىنىڭ ءوزى نەمەسە زاڭدى وكىلى ءوتىنىش بەرگەن كەزدە مەملەكەتتىك قىزمەتتى كورسەتۋ ءۇشىن قاجەتتى قۇجاتتار تىزبەسى:
1) قابىلداۋ تۋرالى ەركىن نىسانداعى ءوتىنىش;
2) ءبىلىمى تۋرالى قۇجاتتىڭ تۇپنۇسقاسى;
3) 3x4 سم كولەمىندەگى 4 دانا فوتوسۋرەت;
4) فليۋروسۋرەتى قوسا بەرىلگەن 086-ۋ نىسانىنداعى مەديتسينالىق انىقتاما ء(ى جانە ءىى توپتاعى مۇگەدەكتەر مەن بالا جاسىنان مۇگەدەكتەر ءۇشىن مەديتسينالىق-الەۋمەتتىك ساراپتامانىڭ قورىتىندىسى);
5) ۇلتتىق بىرىڭعاي تەستىلەۋدىڭ نەمەسە كەشەندى تەستىلەۋدىڭ سەرتيفيكاتى (بار بولسا).
كورسەتىلەتىن قىزمەتتى الۋشىنىڭ جەكە باسىن كۋالاندىراتىن قۇجاتتاردى جەكە ءوزى نەمەسە زاڭدى وكىلدەرى ۇسىنادى.
كورسەتىلەتىن قىزمەتتى الۋشىلار – شەتەلدىكتەر جانە ازاماتتىعى جوق ادامدار ولاردىڭ مارتەبەسىن ايقىندايتىن, تۇرعىلىقتى جەرى بويىنشا تىركەلگەندىگى تۋرالى بەلگىسى بار قۇجاتتى ۇسىنادى:
1) شەتەلدىك – شەتەلدىكتىڭ قازاقستان رەسپۋبليكاسىندا تۇرۋعا ىقتيارحاتى;
2) ازاماتتىعى جوق تۇلعا – ازاماتتىعى جوق تۇلعانىڭ كۋالىگى;
3) بوسقىن – بوسقىن كۋالىگى;
4) پانا ىزدەۋشى تۇلعا – پانا ىزدەۋشى تۇلعانىڭ كۋالىگى;
5) ورالمان – ورالمان كۋالىگى.
كورسەتىلەتىن قىزمەتتى الۋشىعا وسى مەملەكەتتىك كورسەتىلەتىن قىزمەت ستاندارتىنا قوسىمشاعا سايكەس نىسان بويىنشا قۇجاتتاردىڭ قابىلدانعانى تۋرالى قولحات بەرىلەدى, وندا:
1) تاپسىرىلعان قۇجاتتاردىڭ تىزبەسى;
2) قۇجاتتاردى قابىلداپ العان قىزمەتكەردىڭ تەگى, اتى, اكەسىنىڭ اتى (بار بولسا), لاۋازىمى, سونداي-اق بايلانىس دەرەكتەرى كورسەتىلەدى.
3. مەملەكەتتىك قىزمەتتەر كورسەتۋ ماسەلەلەرى بويىنشا ورتالىق مەملەكەتتىك ورگاننىڭ, سونداي-اق كورسەتىلەتىن قىزمەتتى بەرۋشىلەردىڭ جانە (نەمەسە) ولاردىڭ لاۋازىمدى ادامدارىنىڭ شەشىمدەرىنە, ارەكەتىنە (ارەكەتسىزدىگىنە) شاعىمدانۋ ءتارتىبى
10. مەملەكەتتىك قىزمەتتەر كورسەتۋ ماسەلەلەرى بويىنشا مينيسترلىكتىڭ, كورسەتىلەتىن قىزمەتتى بەرۋشىنىڭ جانە (نەمەسە) ولاردىڭ لاۋازىمدى ادامدارىنىڭ ارەكەتىنە (ارەكەتسىزدىگىنە) شاعىمدانۋ كەزىندە شاعىم جازباشا تۇردە:
1) وسى مەملەكەتتىك كورسەتىلەتىن قىزمەت ستاندارتىنىڭ 12-تارماعىندا كورسەتىلگەن مەكەنجاي بويىنشا مينيسترلىك باسشىسىنىڭ نە ونى الماستىراتىن ادامنىڭ اتىنا;
2) وسى مەملەكەتتىك كورسەتىلەتىن قىزمەت ستاندارتىنىڭ 12-تارماعىندا كورسەتىلگەن مەكەنجاي بويىنشا كورسەتىلەتىن قىزمەتتى بەرۋشى باسشىسىنىڭ اتىنا بەرىلەدى.
شاعىمدى قابىلداعان ادامنىڭ اتى-ءجونى, بەرىلگەن شاعىمعا جاۋاپ الۋ مەرزىمى جانە ورنى كورسەتىلە وتىرىپ مينيسترلىكتىڭ, كورسەتىلەتىن قىزمەتتى بەرۋشىنىڭ كەڭسەسىندە تىركەۋ ء(مورتابان, كىرىس ءنومىرى جانە كۇنى) شاعىمنىڭ قابىلدانعانىن راستاۋ بولىپ تابىلادى. تىركەلگەننەن كەيىن شاعىم جاۋاپتى ورىنداۋشىنى ايقىنداۋ جانە ءتيىستى شارالار قابىلداۋ ءۇشىن كورسەتىلەتىن قىزمەتتى بەرۋشىنىڭ باسشىسىنا, باسشىعا جىبەرىلەدى.
كورسەتىلەتىن قىزمەتتى الۋشىنىڭ مەملەكەتتىك قىزمەت كورسەتۋ ماسەلەلەرى بويىنشا كورسەتىلەتىن قىزمەتتى بەرۋشىنىڭ, مينيسترلىكتىڭ اتىنا كەلىپ تۇسكەن شاعىمى تىركەلگەن كۇنىنەن باستاپ بەس جۇمىس كۇنى ىشىندە قارالۋعا جاتادى.
كورسەتىلگەن مەملەكەتتىك قىزمەت ناتيجەلەرىمەن كەلىسپەگەن جاعدايدا, كورسەتىلەتىن قىزمەتتى الۋشى مەملەكەتتىك قىزمەتتەر كورسەتۋ ساپاسىن باعالاۋ جانە باقىلاۋ جونىندەگى ۋاكىلەتتى ورگانعا شاعىممەن جۇگىنە الادى.
مەملەكەتتىك قىزمەتتەر كورسەتۋ ساپاسىن باعالاۋ جانە باقىلاۋ جونىندەگى ۋاكىلەتتى ورگاننىڭ اتىنا كەلىپ تۇسكەن كورسەتىلەتىن قىزمەتتى الۋشىنىڭ شاعىمى تىركەلگەن كۇنىنەن باستاپ ون بەس جۇمىس كۇنى ىشىندە قارالۋعا جاتادى.
11. كورسەتىلگەن مەملەكەتتىك قىزمەت ناتيجەلەرىمەن كەلىسپەگەن جاعدايدا كورسەتىلەتىن قىزمەتتى الۋشىنىڭ قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن سوتقا جۇگىنۋگە قۇقىعى بار.
4. مەملەكەتتىك قىزمەت كورسەتۋدىڭ ەرەكشەلىكتەرىن ەسكەرە وتىرىپ قويىلاتىن وزگە دە تالاپتار
12. مەملەكەتتىك قىزمەت كورسەتۋ ورىندارىنىڭ مەكەنجايلارى مينيسترلىكتىڭ www.edu.gov.kz ينتەرنەت-رەسۋرسىندا ورنالاستىرىلعان.
13. كورسەتىلەتىن قىزمەتتى الۋشىنىڭ مەملەكەتتىك قىزمەت كورسەتۋ ءتارتىبى مەن مارتەبەسى تۋرالى اقپاراتتى قاشىقتىقتان قول جەتكىزۋ رەجيمىندە كورسەتىلەتىن قىزمەتتى بەرۋشىنىڭ مەملەكەتتىك قىزمەتتەر كورسەتۋ ماسەلەلەرى جونىندەگى انىقتاما قىزمەتى, مەملەكەتتىك قىزمەتتەر كورسەتۋ ماسەلەلەرى جونىندەگى بىرىڭعاي بايلانىس ورتالىعى ارقىلى الۋعا مۇمكىندىگى بار.
14. مەملەكەتتىك قىزمەت كورسەتۋ ماسەلەلەرى بويىنشا انىقتاما قىزمەتتەرىنىڭ بايلانىس تەلەفوندارى مينيسترلىكتىڭ www.edu.gov.kz. ينتەرنەت-رەسۋرسىندا ورنالاستىرىلعان, مەملەكەتتىك قىزمەتتەر كورسەتۋ ماسەلەلەرى جونىندەگى بىرىڭعاي بايلانىس ورتالىعى 8-800-080-7777, 1414.
«تەحنيكالىق جانە كاسىپتىك, ورتا بىلىمنەن كەيىنگى ءبىلىم بەرەتىن ۇيىمدارعا قۇجاتتار قابىلداۋ» مەملەكەتتىك كورسەتىلەتىن قىزمەت ستاندارتىنا قوسىمشا
كورسەتىلەتىن قىزمەتتى الۋشىدان قۇجاتتاردىڭ
الىنعانى تۋرالى قولحات
وقۋ ورنى __________________________________________
(وقۋ ورنىنىڭ اتاۋى)
___________________________________________________________
(ەلدى مەكەن, اۋدان, قالا جانە وبلىس اتاۋى)
قۇجاتتاردىڭ قابىلدانعانى تۋرالى № _________ قولحات
_____________________________ مىناداي قۇجاتتار الىندى:
(كورسەتىلەتىن قىزمەتتى الۋشىنىڭ ت.ا.ءا. (بار بولسا)
1. ءوتىنىش
2. باسقا _______________________________________________
_______________________________________________
قابىلدادى ت.ا.ءا. (بار بولسا) _________ (قولى)
20__ ج. « __ « _____________