4 اقپان كۇنى پەتروپاۆل قالاسىندا ساعات 20:10 شاماسىندا ش.ءۋاليحانوۆ كوشەسىندە تۇرعىن ءۇيدىڭ ءۇشىنشى قاباتىنىڭ تەرەزەسىنەن بەلگىسىز ايەل سەكىرمەك بولعان, دەپ حابارلايدى Egemen.kz.
ابىروي بولعاندا, ايەلدى پاترۋلدىك-پوستىلىق قىزمەتتە جۇرگەن ۇلتتىق ۇلاننىڭ 6637 اسكەري ءبولىمىنىڭ اسكەري قىزمەتشىلەرى بايقاپ قالعان. ولار اۋماقتى دەرەۋ قورشاپ, ازاماتشانى قۇتقارۋ ءۇشىن جەدەل شارالار قابىلداعان.
ء«بىز كوشەدە قىزمەتتە ءجۇرىپ, تۇرعىن ءۇيدىڭ 3 قاباتىنان سەكىرمەك بولعان ازاماتشانىڭ ءىس-ارەكەتى تۋرالى حاباردار بولدىق. مەن بۇل تۋرالى دەرەۋ اسكەري جاساق كەزەكشىسىنە حابارلادىم. 102-گە قوڭىراۋ شالىپ, ۋاقىتتى سوزۋ ماقساتىندا ونى سەكىرۋ تۋرالى ويىنان اينىتۋعا تىرىسىپ, كەلىسىمگە كەلدىك. وسى كەزدە جۇبايى ونى پاتەرگە كىرگىزىپ ۇلگەردى», دەدى پاترۋلدىك توپتىڭ باستىعى قاتارداعى جاۋىنگەر يۆان شالاۆين.
وقيعا بارىسىندا ايەل ادام ەشقانداي زارداپ شەككەن جوق. بۇگىندە وقيعانىڭ سالدارى مەن سەبەپتەرى انىقتالۋدا.