پلاتفورما ىسكە قوسىلعان العاشقى مينۋتتا autonesie.kz سايتىنا 125 مىڭ ادام كىرگەن, دەپ حابارلايدى Egemen.kz «ونەركاسىپتى دامىتۋ قورى» اق ءباسپاسوز قىزمەتىنە سىلتەمە جاساپ.
761 قازاقستاندىق ءوز وتىنىمدەرىن ساعات 10.00-دە پلاتفورما ىسكە قوسىلعاننان باستاپ العاشقى 18 سەكۋندتا تىركەپ ۇلگەرگەن. ءبىرىنشى مينۋتتا سايتقا كىرۋشىلەر سانى 125 مىڭ ادامدى قۇراعان.
«Autonesie.kz سايتى جۇكتەمەنى كوتەرىپ, پۋلدىڭ قالىپتاسۋىن قامتاماسىز ەتكەندىگىن اتاپ وتەمىز. ليميتكە جەتكەننەن كەيىن وتىنىمدەردى قابىلداۋ اۆتوماتتى تۇردە اياقتالىپ, ء«وتىنىم بەرۋ» فۋنكتسياسى بەلسەندىلىگىن توقتاتتى. ءوتىنىم بەرۋ بارىسىندا كەيبىر پايدالانۋشىلار اۆتوموبيل ءوندىرۋشىسىن تاڭداي المادى, بۇل ءوتىنىم ليميتىنە قول جەتكىزۋمەن بايلانىستى بولدى», دەپ جازىلعان حابارلامادا.
ەسكە سالايىق, كەلەسى وتىنىمدەردى قابىلداۋ قازاقستاندىقتارعا ناۋرىز ايىندا, ودان ءارى – اي سايىن قولجەتىمدى بولادى.