كەشە ريددەردەگى جەو-دا تاعى ءبىر جاڭا جابدىق ىستەن شىعىپ, تۇرعىندار جىلۋسىز قالدى, دەپ حابارلايدى Egemen.kz.
انىقتالعانداي, وڭىردە سۋ بەرۋ تەمپەراتۋراسى 53 گرادۋسقا دەيىن تومەندەپ كەتكەن. ريددەر اكىمى دميتري گوركوۆوي وقيعاعا قاتىستى تۇسىنىكتەمە بەردى.
«5 اقپاندا كونۆەيەر تاسپاسىنىڭ ەكىنشى كوتەرگىش بارابانىنىڭ قوزعالتقىشى ىستەن شىقتى. جوندەۋ جۇمىستارى اياقتالدى. كومىر بۋنكەرلەرىن تولتىرۋ باستالدى. تەمپەراتۋرا رەجيمى ءۇش ساعات ىشىندە قالپىنا كەلتىرىلەدى. جوندەۋ جۇمىستارى كەزىندە تەمپەراتۋرالىق رەجيمدى قالپىنا كەلتىرۋ ءۇشىن № 1 قازاندىق اگرەگاتى قوسىمشا قىزدىرىلدى», دەپ جازدى قالا اكىمى Instagram-داعى رەسمي پاراقشاسىندا.