اۆتونەسيە باعدارلاماسى جالعاسادى

ءوتىنىم بەرۋشى اۋەلى تەلەفون ءنومىرىن ەنگىزەدى, سودان كەيىن ءاۆتووندىرۋشىنى تاڭ­داي­دى جانە ەتسق ارقىلى قول قويادى. ءوتى­نىم­نىڭ تىركەلۋ فاكتىسىن «جەكە كابينەت» ارقىلى قاداعالاي الادى. ءوتىنىم بەرگەن سوڭ ءاۆتووندىرۋشىنى وزگەرتۋ مۇمكىن ەمەس. ەگەر ازامات وسىعان دەيىن جەڭىلدەتىلگەن باعدارلاما اياسىندا نەسيە العان بولسا نەمەسە پلاتفورمادا وزەكتى ءوتىنىمى بولسا, وندا ءوتىنىم قابىلدانبايدى.

«جەڭىلدەتىلگەن اۆتونەسيەلەۋ باعدار­لاماسى بويىنشا وتىنىمدەردى قابىل­داۋ پلاتفورماسى ءوتىنىم بەرۋشىلەر مەن اۆتو­ون­دىرۋشىلەرگە, سونداي-اق باعدار­لا­ماعا قاتىسۋشى بانكتەرگە ءوتىنىمنىڭ مارتەبەسىن ءوتىنىم بەرىلگەن ساتتەن باستاپ اۆتوموبيل بەرىلگەنگە دەيىن ونلاين نۇسقادا قا­دا­عا­لاۋعا, سونداي-اق باعدارلامانى ىسكە اسى­­رۋدىڭ اشىقتىعىن قامتاماسىز ەتۋگە مۇم­­كىندىك بەرەدى», دەلىنگەن «ونەركاسىپتى دا­مىتۋ قورى» اق-نىڭ حابارلاماسىندا.

ءوتىنىش قابىلدانعاننان كەيىن كليەنت اۆتوسالونعا بارىپ, سوندا بار ءاۆتو­موبيلدى تاڭدايدى نەمەسە الداعى 60 كۇندە كەلەتىن كو­لىكتى كۇتەدى. ەكى ايدان ار­تىق كۇتۋگە مۇم­كىن­دىك جوق, ويت­كەنى ءوتىنىش راستالعان سات­تەن باستاپ جەڭىل­دىك­پەن كولىك ساتىپ الۋعا 60 كۇن عانا ۋاقىت بەرىلەدى.

تىزىمگە ەنۋ – اۆتونەسيە الدىڭ دەگەن ءسوز ەمەس. كليەنت ديلەردەن ماشينا تاڭداپ, تولەم شوتىن العاننان كەيىن باعدارلاماعا قاتىسىپ جاتقان بانكتەردىڭ بىرىنە حابارلاسىپ, تولەم قابىلەتىن تەك­سەرتەدى. بانك نەسيەنى ماقۇلداسا ساتىپ الۋشىعا كەپىلحات بەرەدى, ونى اۆتوسالونعا اپارعان سوڭ عانا جۇمىس اياقتايدى.

جەڭىلدەتىلگەن اۆتونەسيە باعدارلاما­سى­نىڭ شارتتارى بۇرىنعىداي قالا بەرەدى: 1 ءاۆتوموبيلدىڭ قۇنى 15 ملن تەڭگەدەن اسپايدى; قارجىلاندىرۋ سوماسى 10 ملن تەڭ­گەدەن ارتىق ەمەس; قارجىلاندىرۋ مەر­زى­مى 7 جىلدان اسپايدى; باستاپقى جارنا 0 پايىزدان باستاپ; كرەديت بەرۋ ۆاليۋتاسى – تەڭگە; سىياقى مولشەرلەمەسى – جىلدىق 4 پايىز. بۇل رەتتە جىلدىق ءتيىمدى سىياقى مول­شەرلەمەسى تۇپكىلىكتى قارىز الۋشىنىڭ اۆتو­كولىكتى ساقتاندىرۋ جانە راسىمدەۋ (ونىڭ ىشىندە كەپىلگە قويۋ) بويىنشا شى­عىن­­دارىن ەسكەرە وتىرىپ, جىلدىق 7,5 پا­يىز­دان اسپاۋعا ءتيىس.

تۇپكىلىكتى قارىز الۋشىلار ساقتان­دى­رۋ جانە وتاندىق ءوندىرىستىڭ جەڭىل اۆتو­كولىگىن كەپىلگە رەسىمدەۋ بويىنشا شىعىس­تاردى تولەيدى. باعدارلاماعا «سارىار­كا­اۆتو­پروم» جشس جانە «Hyundai Trans Kazakhstan» جشس اۆتووندىرۋشىلەرى قا­تى­سادى. كولىكتەردى Forte Bank, Eurasian Bank, Halyk Bank جانە «بانك تسەنتر­كرە­ديت» – ەكىنشى دەڭگەيلى بانكتەرى ارقىلى راسىمدەۋگە بولادى.

جەڭىلدەتىلگەن اۆتونەسيە باعدار­لا­ماسى بىلتىر مامىر ايىندا باستالىپ, بۇل ماقساتتا 100 ملرد تەڭگە ءبولىندى جانە وعان 12,6 مىڭنان اسا اۆتوموبيل ساتىپ الىندى. اۆتونەسيەنىڭ ورتاشا مولشەرى 7,8 ملن تەڭگە بولدى. قازىرگە دەيىن وتەلگەن نەسيە كولەمى – 7,6 ملرد تەڭگە. وسى دەرەكتەردى ەسكە­رە وتىرىپ, قاناتقاقتى پلاتفورمانىڭ العاش­قى ىسكە قوسىلۋ بارىسىندا 761 ءوتى­نىش بەرۋشىگە دەيىن تىركەلە الادى. ءوتى­نىش بەرۋشىلەردىڭ وسى سانىنا جەتكەن كەزدە پلاتفورمادا وتىنىمدەردى قابىلداۋ اۆتوماتتى تۇردە توقتاتىلادى.

اتاپ وتەيىك, جەڭىلدەتىلگەن اۆتونەسيە باع­دارلاماسى اياسىنداعى وسىعان دە­يىن جاسالعان كەزەك كۇشىن جويادى جانە 6 اقپان كۇنى www.autonesie.kz. سايتىندا تاڭعى 10:00-دەن باستاپ جاڭا وتىنىم­دەر قا­بىلدانادى. ودان ءارى قاراي اۆتونەسيەگە بولىنگەن قايتارىمدى قاراجات جيناق­تال­عان جاعدايدا ءوتىنىم قابىلداۋ ءار ايدىڭ ءبىرىنشى جارتىسىندا جۇرگىزىلىپ وتىرادى.

قاتىسۋشى بانكتەردىڭ ولشەمشارت­تا­رى­نا سايكەس كەلەتىن, وڭ نەسيەلىك تاريحى بار قازاقستاننىڭ كەز كەلگەن ازاماتى بۇل باعدارلاماعا قاتىسا الادى. ەڭ باس­تىسى, باسقا نەسيەلەر بويىنشا مەرزىمى وتكەن بەرەشەگى بولماۋى, قولدا بار جانە بولاشاق نەسيەلەر بويىنشا تولەمدەر سوماسى ءوتىنىش بەرۋشىنىڭ رەسمي تابىسىنىڭ جارتىسىنان اسپاۋى كەرەك. سونداي-اق تابىسىن راستاۋ ءۇشىن كەيىنگى 6 ايدا ۇزدىكسىز اۋدارىمداردىڭ بولۋى دا ماڭىزدى.