ءچيليدىڭ لا-سەنا قالاسىندا چيلي مەن قازاقستان قۇرامالارى اراسىندا دەۆيس كۋبوگى-2023 ىرىكتەۋ كەزەڭىنىڭ ويىندارى باستالدى, دەپ حابارلايدى Egemen.kz.
الەمدىك رەيتينگتىڭ 129-راكەتكاسى تيموفەي سكاتوۆ ءچيليدىڭ ەڭ ۇزدىك تەننيسشىسى كريستيان گاريندى سەنساتسيالىق تۇردە جەڭدى. ول قازىرگى ۋاقىتتا ATP كەستەسىندە 102-ورىندا تۇر. قازاقستاننىڭ ەكىنشى راكەتكاسى ەكى سەتتە ءساتتى ونەر كورسەتتى - 6:1, 6:3. بۇل قازاقستان قۇراماسىنىڭ جاڭادان كەلگەن ويىنشىسىنىڭ دەۆيس كۋبوگىندەگى دەبيۋتتىك جەڭىسى.
وسىلايشا, قازاقستان قۇراماسى چيلي قۇراماسىمەن كەزدەسۋدە 1:0 ەسەبىمەن العا شىقتى. تيموفەي سكاتوۆتىڭ ارتىنان قازاقستان قۇراماسىنىڭ كوشباسشىسى الەكساندر بۋبليك ءدال قازىر كورتقا شىعادى, ونىڭ قارسىلاسى نيكولاس دجارريش.