قاسىم-جومارت توقاەۆ بايزاق اۋدانىندا جاڭادان اشىلعان كوكتال ورتا مەكتەبىنە باردى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
مەكتەپ ماتەريالدىق-تەحنيكالىق جاعىنان تولىق جابدىقتالعان, اتاپ ايتقاندا 32 وقۋ كابينەتى, 4 كومپيۋتەر كابينەتى, 2 لينگوفون كابينەتى, 1 روبوتوتەحنيكا كابينەتى, 1 سپورت زالى, شەبەرحاناسى, كىتاپحاناسى, مەديتسينالىق پۋنكتى جانە اسحاناسى بار. سونداي-اق مەكتەپتە ماڭايداعى اۋىلداردان قاتىناپ وقيتىن بالالار ءۇشىن كولىك تاسىمالى ۇيىمداستىرىلعان.2023-2025 جىلدارى «جايلى مەكتەپ» ۇلتتىق جوباسى اياسىندا جامبىل وبلىسىندا 9500 ورىندىق 13 مەكتەپ سالۋ جوسپارلانىپ وتىر. ونىڭ سەگىزى كەلەسى جىلى پايدالانۋعا بەرىلەدى.ايتا كەتسەك, پرەزيدەنت جۇكتەگەن تاپسىرما اياسىندا 2023-2025 جىلدارى «جايلى مەكتەپ» ۇلتتىق جوباسى اياسىندا رەسپۋبليكا بويىنشا 800 مىڭ وقۋشىعا ارنالعان 400-دەن استام مەكتەپ سالىنادى.