قوعامدىق پىكىردى زەرتتەۋ ينستيتۋتى 25-28 قاڭتاردا تەلەفون ارقىلى ساۋالناما جۇرگىزدى. ساۋالناما ناتيجەسىندە, 2023 جىلعى 19 ناۋرىزداعى پارلامەنت سايلاۋىندا سايلاۋشىلاردىڭ ىقتيمال كەلۋ دەڭگەيى 53,3 پايىزدى قۇراعان, دەپ حابارلايدى Egemen.kz.
ناقتى داۋىس بەرەتىندەردىڭ جالپى ۇلەسى 39 پايىز جانە داۋىس بەرۋى مۇمكىن دەگەندەر 14,3 پايىزدى قۇرادى.
ال 34,6 پايىز رەسپوندەنتتەردىڭ 11,5 پايىزى داۋىس بەرمەۋدى ءجون كورەدى. ال 23,1 پايىزى مۇلدە داۋىس بەرگىسى كەلمەيدى. بەيتاراپ قالعاندار 12,1 پايىز.
پارلامەنت سايلاۋىندا داۋىس بەرەتىندەردىڭ 48,6 پايىزى «امانات» پارتياسىنىڭ كانديداتتارىن قولداۋعا نيەتتى. ساۋالناماعا سايكەس, 6,2 پايىز «اۋىل», 5,4 پايىز «اقجول» پارتيالارىنا داۋىس بەرۋى مۇمكىن.
باسقا پارتيالار سايلاۋشىلاردىڭ قولداۋىنا يە بولا المادى. «بارلىعىنا قارسى» ساناتىن تاڭداۋعا دايىن رەسپوندەنتتەردىڭ ۇلەسى 2,6 پايىز. داۋىس بەرۋشىلەردىڭ 22,8 پايىزى وزدەرىنىڭ پارتيالىق قالاۋلارى تۋرالى ءالى شەشىم قابىلداماعان.
سايلاۋشىلاردىڭ كوپشىلىگى ساياسي ءپليۋراليزمدى جاقتايدى: بەس نەمەسە ودان دا كوپ پارتيالاردىڭ تومەنگى پالاتاداعى وكىلدىگى – 27,8 پايىز, ءتورت – 6,6 پايىز, ءۇش - 16,8 پايىز, ەكى-12,0 پايىز.
ساۋالنامانى «قوعامدىق پىكىر» عىلىمي-زەرتتەۋ ينستيتۋتى وسى جىلدىڭ 25-28 قاڭتارى ارالىعىندا ينستيتۋتتىڭ ءوز قاراجاتى ەسەبىنەن جۇرگىزگەن. ساۋالناماعا 17 وبلىستان جانە استانا, الماتى جانە شىمكەنت رەسپۋبليكالىق ماڭىزى بار قالالاردان 18 جاستان اسقان 1200 رەسپوندەنت قاتىسقان.
ايتولعان ءجۇنىسحان,
ل.ن. گۋميلەۆ اتىنداعى ەۇۋ ستۋدەنتى