قازاقستاندا جاپپاي سپورت ينفراقۇرلىمدارىن سالۋ قولعا الىنادى. بۇل تۋرالى مادەنيەت جانە سپورت ءمينيسترى اسحات ورالوۆ ۆەدومستۆونىڭ دەنە شىنىقتىرۋ جانە سپورت سالاسىنداعى نەگىزگى مىندەتتەرىنە ارنالعان القا وتىرىسىندا مالىمدەدى, دەپ حابارلايدى Egemen.kz.
«تىرەك اۋىلداردا تەز سالىناتىن مودۋلدىك سپورت عيماراتتارىن سالۋ جانە دەنە شىنىقتىرۋ ءۇشىن قولجەتىمدى ينفراقۇرىلىم ياعني سپورت الاڭدارى, جۇگىرۋ جانە ۆەلوسيپەد جولدارى, جاياۋ, سونداي-اق اتپەن جۇرەتىن تۋريستىك مارشرۋتتار قۇرۋ جوسپارلانىپ وتىر. ول ءۇشىن ەڭ الدىمەن ەلىمىز بويىنشا جۇمىس ىستەپ تۇرعان سپورت نىساندارىن «اۋقىمدى تۇگەندەۋ» جۇمىستارىن جۇرگىزەتىن بولامىز», دەدى مينيستر.
نەگىزگى ماقسات ايماقتاردا سپورتتىق ينفراقۇرىلىمدى دامىتۋ جانە ونىڭ قولجەتىمدىلىگىن ارتتىرۋ.
ايتولعان ءجۇنىسحان,
ل.ن. گۋميلەۆ اتىنداعى ەۇۋ ستۋدەنتى