تاراز قالاسىنىڭ پروكۋراتۋراسى جامبىل وبلىسى ءىىد ۇيىمداسقان قىلمىسقا قارسى كۇرەس باسقارماسىمەن بىرلەسىپ, قالا اۋماعىندا جۇرگىزىلگەن جەدەل-ىزدەستىرۋ ءىس-شارالارى بارىسىندا جاڭا تۋعان نارەستەلەردى ساتۋ فاكتىسىن انىقتادى, دەپ حابارلايدى Egemen.kz.
اتالعان فاكتى بويىنشا, قالالىق پروكۋراتۋرانىڭ حابارلاماسىندا كورسەتىلگەندەي, قازاقستان رەسپۋبليكاسىنىڭ قىلمىستىق كودەكسىنىڭ 135-بابى 1-بولىگى بويىنشا سوتقا دەيىنگى تەرگەۋ باستالدى.
ءسابي ساۋدالاۋ كۇدىگىمەن تاراز قالالىق كوپسالالى اۋرۋحاناسىنىڭ ەكى مەديتسينا قىزمەتكەرى ۇستالدى.
«بۇل تۇلعالار قىلمىستىق-پروتسەستىك كودەكستىڭ 128-بابىنا سايكەس ۋاقىتشا ۇستاۋ يزولياتورىنا قامالدى. قىلمىستىق ءىستىڭ تەرگەۋى قالالىق پروكۋراتۋرانىڭ باقىلاۋىندا», دەپ حابارلادى تاراز قالاسى پروكۋراتۋراسىنىڭ ءباسپاسوز قىزمەتىنەن.