2022 جىلعى ماۋسىمنان بەرى كيپردىڭ رەسەي فەدەراتسياسىنداعى ەلشىسى بولىپ كەلە جاتقان كيپروس يورگالليس كيپردىڭ قازاقستانداعى ەلشىسى قىزمەتىن قوسا اتقارادى, دەپ حابارلايدى Egemen.ءkz سىم ءباسپاسوز قىزمەتىنە سىلتەمە جاساپ.
ول 1973 جىلى 5 ماۋسىمدا دۇنيەگە كەلگەن. افينا ەكونوميكالىق ۋنيۆەرسيتەتىن, سيتي ۋنيۆەرسيتەتىن (لوندون) جانە كيپر ۋنيۆەرسيتەتىن بىتىرگەن.
ديپلوماتيالىق قىزمەتىن 2003 جىلى كيپر رەسپۋبليكاسى سىرتقى ىستەر مينيسترلىگىنىڭ اتتاشەسى رەتىندە باستادى. كيپر سىرتقى ىستەر ءمينيسترى كەڭسەسىنىڭ مەڭگەرۋشىسى, ءسىم پروتوكول قىزمەتى ديرەكتورىنىڭ ورىنباسارى بولدى. ەو, رەسەي جانە پارسى شىعاناعى ەلدەرىمەن ەكىجاقتى قاتىناستار دەپارتامەنتىندە جۇمىس ىستەدى.
2015-2019 جىلدارى كيپردىڭ گرەكياداعى ەلشىسىنىڭ ورىنباسارى قىزمەتىن اتقاردى. ورتالىق اپپاراتتا كيپر ءسىم ەۋروپا ەلدەرىمەن جانە تاياۋ شىعىس, پارسى شىعاناعى جانە سۋبساحار افريكاسىمەن ەكىجاقتى قاتىناستار دەپارتامەنتتەرىن باسقاردى.