2023 جىلعى قاڭتاردا گرۋزيانىڭ قازاقستان رەسپۋبليكاسىنداعى ەلشىسى تاعايىندالدى, دەپ حابارلايدى Egemen.kz.
گرۋزيانىڭ قازاقستانداعى ەلشىسى بولىپ لالياشۆيلي نيكولوز تاعايىندالدى.
ول 1973 جىلى 17 جەلتوقساندا تبيليسي قالاسىندا دۇنيەگە كەلگەن. تبيليسي مەملەكەتتىك ۋنيۆەرسيتەتىن زاڭتانۋ جانە فيلولوگيا ماماندىقتارى بويىنشا بىتىرگەن. فيلولوگيا عىلىمدارىنىڭ دوكتورى دارەجەسىنە يە.
باس شتاب وفيتسەرلەرى, ەۋروپاداعى وداقتاس دەرجاۆالاردىڭ جوعارعى باس قولباسشىسى مەكتەبى (گەرمانيا), اقش اسكەري-تەڭىز ادىلەت مەكتەبى, ناتو قورعانىس كوللەدجىنىڭ اعا وفيتسەرلەرى (يتاليا), گارۆارد ۋنيۆەرسيتەتىنىڭ كەننەدي مەكتەبىندە (اقش) قارا تەڭىز قاۋىپسىزدىگىن قامتاماسىز ەتۋ كۋرستارىندا وقىدى.
ەڭبەك جولىن 1998 جىلى گرۋزيا قارۋلى كۇشتەرى باس شتابىنىڭ ناتو-نىڭ بەيبىت جوسپارلاۋ سەرىكتەستىگى جانە شولۋ پروتسەسىنىڭ باستىعى لاۋازىمىنان باستادى. ءارى قاراي گرۋزيا ۇلتتىق قاۋىپسىزدىك كەڭەسىنىڭ اسكەري كەڭەسشىسى جانە گرۋزيا مەملەكەتتىك قاۋىپسىزدىك مينيسترلىگىنىڭ قوعاممەن بايلانىس ءبولىمىنىڭ باستىعى, سونداي-اق گرۋزيا قورعانىس مينيسترلىگىنىڭ ناتو ينتەگراتسيا ءبولىمىنىڭ باستىعى بولىپ جۇمىس ىستەدى. گرۋزيانىڭ جوعارى ادىلەت كەڭەسىنىڭ مۇشەسى, پارلامەنت دەپۋتاتى - ۇلتارالىق قاتىناستار كوميتەتى توراعاسىنىڭ ورىنباسارى بولدى.
2015 جىلى «ماەسترو» تەلەكومپانياسىنا ساياسي رەداكتور رەتىندە جۇمىسقا اۋىسادى, ال 2020 جىلدان باستاپ «يمەدي» تەلەكومپانياسىن باسقارعان.