مەملەكەت باسشىسى قاسىم-جومارت توقاەۆ ساحا رەسپۋبليكاسىنىڭ (ياكۋتيا) باسشىسى ايسەن نيكولاەۆتى قابىلدادى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
مەملەكەت باسشىسى بەلسەندى وڭىرارالىق ىنتىماقتاستىق ءوزارا ساۋدا كورسەتكىشتەرىنە وڭ ىقپال ەتكەنىن ايتتى. پرەزيدەنتتىڭ پىكىرىنشە, وڭىرارالىق ساۋدا كولەمى ايتارلىقتاي ارتتى. قازاقستان ساۋدا قاتىناستارىن ودان ءارى تەرەڭدەتۋگە مۇددەلى.
قاسىم-جومارت توقاەۆ قازاقستان مەن ساحا رەسپۋبليكاسىن تامىرى تەرەڭ تاريحي جانە مادەني-گۋمانيتارلىق قارىم-قاتىناستار بايلانىستىراتىن اتاپ ءوتىپ, ىنتىماقتاستىقتى كەڭەيتۋگە ەرەكشە نازار اۋداراتىنىن ايتتى.
كەزدەسۋدە ايسەن نيكولاەۆ ساحا ەلى قازاقستان كومپانيالارىمەن ونەركاسىپ ونىمدەرى, مينەرالدى رەسۋرستار جانە زەرگەرلىك بۇيىمدار سالالارىندا ساۋدا-ساتتىق جاساۋعا دايىن ەكەنىن جەتكىزدى. سونىمەن قاتار ياكۋتيا تسيفرلىق تەحنولوگيا, كرەاتيۆتى يندۋستريا مەن كينەماتوگرافيا باعىتىندا دا بايلانىس جاساۋعا نيەتتى.