23-24 قاڭتاردا تاشكەنت قالاسىندا ەكونوميكالىق ىنتىماقتاستىق ۇيىمىنىڭ سىرتقى ىستەر مينيسترلەرى كەڭەسىنىڭ (ەىۇ سىمك) 26-شى وتىرىسى وتەدى, دەپ حابارلايدى Egemen.kz.
ءىس-شاراعا قر پرەمەر-ءمينيسترىنىڭ ورىنباسارى – سىرتقى ىستەر ءمينيسترى مۇحتار تىلەۋبەردى قاتىسادى.
ءىس-شارا بارىسىندا ۇيىمعا مۇشە مەملەكەتتەردىڭ ەكونوميكا, لوگيستيكا, ەكولوگيا, تۋريزم جانە باسقا دا سالالارداعى ءوزارا ءىس-قيمىلىنىڭ تيىمدىلىگىن ارتتىرۋ ماسەلەلەرى تالقىلانادى.
«مينيسترلەر كەڭەسىنىڭ قورىتىندىسى بويىنشا تاشكەنت كومميۋنيكەسىن جانە باسقا دا بىرقاتار قۇجاتتار مەن ەىۇ ەسەپتەرىن قابىلداۋ كوزدەلىپ وتىر», دەدى قازاقستان ءسىم رەسمي وكىلى ا.س. سمادياروۆ.