ۇلتتىق كەزەڭنىڭ جەڭىمپازدارى امەريكانىڭ حيۋستون قالاسىندا وتەتىن حالىقارالىق چەمپيوناتتا ەل نامىسىن قورعاۋعا مۇمكىندىك الادى, دەپ حابارلايدى Egemen.kz وقۋ-اعارتۋ مينيسترلىگىنىڭ ءباسپاسوز قىزمەتىنە سىلتەمە جاساپ.
«بيىلعى جارىس ەنەرگيا تاقىرىبى اياسىندا ءوتىپ جاتىر. روبوتتاردى باعدارلامالاۋ مەن قۇراستىرۋدان بولەك, بالالار يننوۆاتسيالىق جوبالارمەن اينالىسادى. وڭىرلىك كەزەڭگە ءوتۋ ءۇشىن ءاربىر كوماندا الەۋمەتتىك جەلىلەردە كوپتەگەن تاپسىرمالاردى ورىندادى, سونىڭ ىشىندە بالالار ءتۇرلى ەنەرگەتيكالىق ستانتسيالارعا بارىپ, رەپورتاج جاساپ, ساراپشىلاردان سۇحبات الدى. ونىمەن قوسا, وقۋ ورىندارىندا شەبەرلىك ساباق وتكىزدى, سونداي-اق, وزدەرىنىڭ جەرگىلىكتى قوعامداستىعى ىشىندە ماڭىزدى ماسەلەلەردى كوتەردى. اقپاننىڭ 24-26 ارالىعىندا استانادا وتەتىن ۇلتتىق كەزەڭنىڭ جەڭىمپازدارى ەل نامىسىن قورعاۋعا حيۋستونعا, اقش-قا بارادى. ايتا كەتەيىك, جىل سايىن روبوتوتەحنيكامەن اينالىساتىن بالالاردىڭ سانى ارتىپ كەلەدى. بۇعان سەبەپ - وقۋ-اعارتۋ مينيسترلىگىنىڭ قولداۋى. وسى باعىتتاعى ۇيلەسىمدى ەڭبەكتىڭ ناتيجەسىندە 2022 جىلدىڭ قازان ايىندا ءبىزدىڭ وقۋشىلار جەنەۆادا وتكەن FIRST Global Challenge دۇنيەجۇزىلىك جارىسىندا جەڭىسكە جەتتى. كەيىن شىمكەنت قالاسىنىڭ وقۋشىلارى دورتمۋند قالاسىندا وتكەن روبوتوتەحنيكا بويىنشا حالىقارالىق وليمپيادادا العاش رەت ەكىنشى ورىن يەلەندى», دەدى USTEM Robotics قورىنىڭ جەتەكشىسى اسىلبەك مىرزاحمەتوۆ.