2023 جىلدىڭ 19 قاڭتارىندا سىبايلاس جەمقورلىققا قارسى قىزمەت 1983 جىلى تۋعان ازامات قانات قورجىباەۆتى اشكەرەلەدى, دەپ حابارلايدى Egemen.kz ANTIKOR ءباسپاسوز قىزمەتىنە سىلتەمە جاساپ.
ول ءوزىن انتيكوردىڭ قىزمەتكەرى رەتىندە تانىستىرىپ, جالپى قامقورلىق كورسەتكەنى ءۇشىن الماتى وبلىسى كاسىپورىندارىنىڭ ءبىرىنىڭ باسشىسىنا تيەسىلى 1 ملن تەڭگە سوماسىندا اقشالاي قاراجاتتى الاياقتىق جولمەن يەمدەنگەن.
جەكە ءتىنتۋ بارىسىندا 2014 جىلى تاراتىلعان قارجى پوليتسياسىنىڭ قىزمەتكەرىنىڭ جەكە كۋالىگى تاركىلەندى.
قولدا بار مالىمەتتەرگە سايكەس, قورجىباەۆ بۇرىن دا وسىنداي قىلمىستار جاساعان بولۋى مۇمكىن.
«ونىڭ زاڭسىز ىستەرى تۋرالى اقپارات بولعان جاعدايدا 1424 انتيكوردىڭ Call-ورتالىعىنا حابارلاسۋىڭىزدى سۇرايمىز», دەلىنگەن ۆەدومستۆو حابارىندا.
تەرگەۋ مۇددەسىنە وراي وزگە اقپارات جاريا ەتۋگە جاتپايدى.