قازاقستانداعى ەڭ جاس اكىم نەشە جاستا؟

ەلىمىزدىڭ ەڭ قارت اكىمى دانيال احمەتوۆ شىعىس قازاقستان وبلىسىن باسقارادى. اكىمنىڭ جاسى – 68,6 جاس. ەكىنشى جانە ءۇشىنشى قاتاردا جاڭادان قۇرىلعان جەتىسۋ وبلىسىنىڭ اكىمى بەيبىت يساباەۆ (60,1 جاستا) پەن اقتوبە وبلىسىنىڭ اكىمى ەرالى توعجانوۆ (59,7 جاستا) بولدى.

ەڭ جاس اكىم - مۇرات ايتەنوۆ (41,2 جاستا). ول رەسپۋبليكالىق ماڭىزى بار شىمكەنت قالاسىن باسقارادى. بۇل قاتاردا اتىراۋ وبلىسىنىڭ اكىمى سەرىك شاپكەنوۆ (43,5 جاس) پەن پاۆلودار وبلىسىنىڭ اكىمى اسايىن بايحانوۆ (44,1 جاس) بار.

ەلىمىزدەگى ەڭ جاس اكىم مۇرات ايتەنوۆ 38 جاسىندا قىزمەتكە كىرىستى. ايتەنوۆتىڭ لاۋازىمىنداعى قىزمەت مەرزىمى – 3 جىل. اتىراۋ جانە پاۆلودار وبلىستارىنىڭ اكىمدەرى دە قىزمەتكە كىرىسۋ كەزىندە ەڭ جاس اكىمدەردىڭ قاتارىندا بولدى.

شىعىس قازاقستان وبلىسىن باسقارىپ وتىرعان دانيال احمەتوۆ بۇل قىزمەتتە 8,2 جىل (ەڭ ۇزاق مەرزىم) قىزمەت ەتىپ كەلەدى. ول وبلىس اكىمى قىزمەتىنە 60 جاسىندا تاعايىندالدى.

ەڭ قىسقا قىزمەت مەرزىمى ازىرگە ەلوردا اكىمى جەڭىس قاسىمبەك پەن قاراعاندى وبلىسىنىڭ اكىمى ەرماعانبەت بولەكپاەۆتا. ەكى اكىم دە جاقىندا, 2022 جىلدىڭ 8 جەلتوقسانىندا قىزمەتكە كىرىستى.