بۇگىن الماتىنىڭ مەدەۋ شاتقالىندا بەلگىلى قازاقستاندىق الپينيست اناتولي بۋكرەەۆكە ارنالعان ءمۇسىننىڭ سالتاناتتى اشىلۋ ءراسىمى ءوتتى, دەپ حابارلايدى Egemen.kz.
سالتاناتتى راسىمگە الماتى اكىمىنىڭ ورىنباسارى ارمان قىرىقباەۆ, ءمۇسىنشى نۇرلان دالباي, الپينيزمنەن قازاقستان قۇراماسىنىڭ باس جاتتىقتىرۋشىسى, تالىمگەر جانە بۋكرەەۆتىڭ دوسى ەرۆاند يلينسكي, جۋرناليست جانە اتى اڭىزعا اينالعان ءالپينيستىڭ كۇندەلىكتەرىنە نەگىزدەلگەن بۋكرەەۆ تۋرالى «ناد وبلاكامي» كىتابىنىڭ اۆتورى گالينا مۋلەنكوۆا قاتىستى.
ءمۇسىننىڭ اۆتورى – نۇرلان دالباي. ول سپورتشىنى قۇزعا شىعار الدىندا ءسال دەمالىپ تۇرعان كەيپىندە بەينەلەگەن. ءمۇسىن نۇرلان سماعۇلوۆ قورىنىڭ باستاماسىمەن جانە قولداۋىمەن ورناتىلدى.
اناتولي بۋكرەەۆ - اتى اڭىزعا اينالعان قازاقستاندىق الپينيست, ەڭبەك سىڭىرگەن سپورت شەبەرى.
ول ابسوليۋتتىك بيىكتىگى 7000 مەتردەن اساتىن شىڭدارعا 30 رەت, 8000 مەتردەن اساتىن شىڭدارعا 18 رەت, جەر شارىنداعى ەڭ بيىك 14 شىڭنىڭ 11-ىنە, ونىڭ ىشىندە 8848 مەترلىك دجومولۋنگما شىڭىنىڭ وزىنە 4 رەت شىققان.
اناتولي بۋكرەەۆ 1997 جىلى نەپالداعى انناپۋرناعا كوتەرىلۋ كەزىندە قايتىس بولدى, ول 39 جاستا ەدى.
1999 جىلدان باستاپ اناتولي بۋكرەەۆتى ەسكە الۋعا ارنالعان امانگەلدى شىڭىنا جۇگىرۋلەر وتكىزىلىپ كەلەدى.
ايتا كەتۋ كەرەك, بۇل نۇرلان سماعۇلوۆ قورى قالا تۇرعىندارىنا بەرەتىن ءۇشىنشى ءمۇسىن. مەتسەناتتىڭ ويىنشا, قالادا كورنەكتى الماتىلىقتاردىڭ مۇسىندەر سەرياسى پايدا بولۋى ءتيىس.