استانا. 12 ماۋسىم. ەۋروپالىق قايتا قۇرۋ جانە دامۋ بانكى ەلىمىزدەگى شاعىن جانە ورتا بيزنەستى دامىتۋ ماقساتىندا ميكرونەسيەلەر تۇرىندە 100 ملن. دوللار ۇسىنىپ وتىر. ەۋروپالىق قايتا قۇرۋ جانە دامۋ بانكىنىڭ پرەزيدەنتى سۋما چاكرابار شەتەلدىك ينۆەستورلار كەڭەسىنىڭ 27-ءشى جالپى وتىرىسىندا وسىلاي دەپ مالىمدەدى. بۇل تۋرالى primeminister.kz حابارلادى.
سۋما چاكرابار: «قازاقستانعا شاعىن جانە ورتا بيزنەستى ميكرونەسيەلەۋ باعدارلامالارى بويىنشا 100 ملن.-نان استام دوللار ۇسىنۋعا دايىنبىز. مۇنداعى ماقسات – اتالعان سالانىڭ دامۋىنا ينستيتۋتتاردىڭ ارالاسۋىن ارتتىرۋ», – دەدى.
بۇدان بولەك, ەۋروپالىق بانكتىڭ باسشىسى نەسيەلەۋدىڭ بۇل تۇرىمەن ءىرى كاسىپورىندار دا قامتىلاتىنىن جەتكىزدى.
سونداي-اق, ول: «قازاقستان مەن ەۋروپالىق قايتا قۇرۋ جانە دامۋ بانكىنىڭ الدىندا كوپتەگەن مىندەت تۇر. ونىڭ ءبارىن ىسكە اسىرۋ ءۇشىن بارلىق كۇشىمىزدى سالامىز», – دەدى.
جولدىباي بازار.
دەرەككوز: primeminister.kz.
فوتو: Tehnoblog.ru.