استانا. 12 ماۋسىم. بۋرابايدا مەملەكەت باسشىسىنىڭ توراعالىعىمەن شەتەلدىك ينۆەستورلار كەڭەسىنىڭ 27-ءشى جالپى وتىرىسى وتۋدە. بۇل تۋرالى «قازاقپارات» حابارلادى.
كەڭەس جۇمىسى حالىقارالىق بيۋرو كورمەسىنىڭ تۋىن قابىلداۋمەن باستالدى. ونى پرەزيدەنت ارنايى تۇعىرعا ورناتتى.
نۇرسۇلتان نازارباەۆ: «قازاقستان ەكسپو-2017 حالىقارالىق مامانداندىرىلعان كورمەسىن وتكىزۋ قۇقىعىن جەڭىپ العاندىعىن تاعى ءبىر ەسكە سالعىم كەلەدى. ءبىزدىڭ دەلەگاتسيا قازىر حالىقارالىق كورمەلەر بيۋروسىندا تىركەۋ قۇجاتتارى توپتاماسىن تابىسپەن قورعاپ شىقتى جانە تاياۋدا عانا قازاقستانعا حالىقارالىق كورمە بيۋروسىنىڭ تۋى تابىس ەتىلدى», – دەدى.
پرەزيدەنتتىڭ ايتۋىنشا, حالىقارالىق بيۋرو كورمەسى تۋىنىڭ ەلىمىزگە اكەلىنۋى الەمدىك قاۋىمداستىقتىڭ قازاقستاندى ماڭىزدى حالىقارالىق شارا وتەتىن ورىن رەتىندە مويىنداۋىن بىلدىرەدى.
جولدىباي بازار.
دەرەككوز: «قازاقپارات».
فوتو: «قازاقپارات».