ەكى مەملەكەت 6 باعىت بويىنشا ىنتىماقتاستىق قۇرۋدى جوسپارلاپ وتىر, دەپ حابارلايدى Egemen.kz وزبەكستان پرەزيدەنتىنىڭ ءباسپاسوز قىزمەتىنە سىلتەمە جاساپ.
وزبەكستان پرەزيدەنتى شاۆكات ميرزيەەۆ سينگاپۋرعا جاساعان مەملەكەتتىك ساپارى اياسىندا وسى ەلدىڭ پرەزيدەنتى حاليما ياكۋب پەن پرەمەر-مينيستر لي سيان لۋنمەن كەلىسسوز وتكىزدى.
شاۆكات ميرزياەۆ پەن حاليما ياكۋب وزبەكستان مەن سينگاپۋر اراسىنداعى قاتىناستاردى ودان ءارى تەرەڭدەتۋ پەرسپەكتيۆالارى, ونىڭ ىشىندە قوعامدىق-ساياسي ءومىردى ودان ءارى دەموكراتيالاندىرۋ جونىندەگى رەفورمالار تۋرالى پىكىر الماستى. ءبىلىم بەرۋ سالاسى دا تاسادا قالمادى.
بۇگىندە تاشكەنت قالاسىندا سينگاپۋردىڭ مەنەدجمەنتتى دامىتۋ ينستيتۋتى مەن سينگاپۋردىڭ تەحنولوگيالار, مەنەدجمەنت جانە كوممۋنيكاتسيالار اكادەمياسى تابىستى جۇمىس ىستەپ جاتىر.
سونداي-اق كەلىسسوزدەر بارىسىندا ورتالىق جانە وڭتۇستىك-شىعىس ازياداعى وڭىرلىك ىنتىماقتاستىق پەن ينتەگراتسيا سالاسىنداعى ەكى ەلدىڭ تاجىريبەسى ەگجەي-تەگجەيلى تالقىلاندى.
كەزدەسۋ قورىتىندىسى بويىنشا تاراپتار ەكىجاقتى ىنتىماقتاستىقتى ءوزارا دامىتۋدىڭ نەگىزگى باعىتتارىن ايقىندادى.
گۇلشاحرا سانسىزباي