العا ۇمتىلعاننىڭ استىعى بىتىك

ءبىر ايتا كەتەرلىگى, بيىل ەگىستىك تاناپ­تاردىڭ اۋقىمى بۇرىنعىدان ءبىرشا­ما كەڭەي­­تىلمەك. اۋىل شارۋاشىلىعى قۇرى­لىم­­­دارىنىڭ باسشىلارى اۋدان اكىمدىك­تەرى­مەن بىرلەسە وتىرىپ, بولجامدى جوبا جاساۋدا. بۇل جايعا سوڭعى ۋاقىتتا بۇرىنعى كادەگە اسپاي جاتقان جەرلەردى قايتارىپ الىپ, ەل يگىلىگىنە جاراتۋ سەبەپشى بولىپ وتىر.

ەگىن وراعى ءساتتى اياقتالعان سوڭ ديقان قا­ۋىم ك­ە­لەر جىلدىڭ قامىن ويلاپ, قاجەتتى تۇ­ق­ىم­­دى قام­ب­الارىنا قۇيىپ العان. قازىر 532 مىڭ تون­نا تۇقىم قورى بار. ساپاسى دا جاقسى.

– اۋىل شارۋاشىلىعى قۇرىلىمدارى تەحنيكا جوندەۋ ۇستىندە. ەگىس جۇمىستارىنا قاتىساتىن 14 مىڭ تراكتور, كۇزگى وراققا قاجەتتى 8,5 مىڭ كومباين دايىندالۋدا, – دەيدى وبلىستىق اۋىل شارۋاشىلىعى جانە جەر قاتىناستارى باسقارماسى باسشىسىنىڭ ورىنباسارى ەركەش الەنوۆ, – جىل وتكەن سايىن ماتەريالدىق-تەحنيكالىق بازا دا نىعايىپ كەلەدى. وتكەن جىلى عانا 1 900 بىرلىك تەحنيكا جاڭارتىلدى. بۇل ارادا مەملەكەت تاراپىنان كورسەتىلەتىن قولداۋ تۋرالى ايتا كەتۋ كەرەك. تەحنيكا ساتىپ الۋعا 69 ملرد تەڭگە قاراجات ءبولىندى. ديقاندار مەملەكەتتىك باعدارلامالاردىڭ جانە سۋبسيديالاردىڭ يگىلىگىن كورىپ وتىر. بىلتىرعى كوكتەمدە وبلىس ديقاندارىنا 72 مىڭ توننا, ال كۇزدە 83 مىڭ توننا جانار-جاعار ماي ارزانداتىلعان باعامەن ءبولىندى. 

قازىر ءوڭىردىڭ ديقاندارى مول ەگىننىڭ كەپىلى ساناتىنداعى قار توقتاتۋ جۇمىسىنا كىرىسكەن. 734 مىڭ گەكتار القاپتى يگەرۋ كوزدەلسە, ازىرگە ءبىر ىزبەن 120 مىڭ گەكتارعا جۋىق القاپتىڭ قارى توقتاتىلىپتى. بۇل جۇمىسقا 155 قۋاتتى تەحنيكا قاتىستى­رىلدى. قازىر پارعا قالدىرىلعان القاپ­تارداعى قاردىڭ قالىڭدىعى 10 سانتيمەتر­دەن اسادى. ال ەگىستىك ەگىلگەن القاپتاردىڭ قارى قالىڭداۋ, 15-16 سانتيمەتر شاماسىندا.  دالا ەڭبەككەرلەرى ءۇشىن جاۋاپكەرشىلىگى مول شارۋادا زەرەندى, اقكول, شورتاندى اۋداندارىنىڭ جۇمىسى ءونىمدى.

كوكشە دالاسىنداعى ديقانداردىڭ قىزۋ ەڭبەگى قىستا دا ءبىر تولاستايتىن ەمەس. سونىڭ بارلىعى ەل يگىلىگىنە باعىتتالعان ەكپىندى شارۋا.

اقمولا وبلىسى