الماتىلىق وقۋشىلار ءداستۇرلى فورماتتا وقۋعا كوشتى

«16 قاڭتاردان باستاپ 0,1-11 (12) سىنىپ وقۋشىلارى مەن كوللەدجدەردىڭ ءبىرىنشى جانە ەكىنشى كۋرس ستۋدەنتتەرى ءداستۇرلى وقۋعا كوشىپ جاتىر. قازگيدرومەتتىڭ مالىمەتىنشە, 16 قاڭتاردا الماتىدا كوشپەلى بۇلت شىعادى, جاۋىن-شاشىنسىز. جەل ەكپىنى - 0-5 م. /س. اۋا تەمپەراتۋراسى تۇندە 17-19, كۇندىز 7-9 اياز», دەلىنگەن قالالىق ءبىلىم باسقارماسىنىڭ حابارلاماسىندا.

ەسكە سالا كەتەيىك, بۇعان دەيىن 12-13 قاڭتاردا الماتىدا ايازعا بايلانىستى مەكتەپ وقۋشىلارى مەن كوللەدجدىڭ ءبىرىنشى جانە ەكىنشى كۋرس ستۋدەنتتەرى ونلاين ءبىلىم العان ەدى.