سەنات دەپۋتاتتارى قارجى جانە بيۋدجەت كوميتەتىنىڭ كەڭەيتىلگەن وتىرىسىندا قازاقستان مەن قىرعىزستان اراسىنداعى وتكىزۋ پۋنكتتەرىن دامىتۋ ماسەلەسىن تالقىلادى.
دەپۋتاتتار ءماجىلىس قابىلداعان «2014 جىلعى 29 مامىرداعى ەۋرازيالىق ەكونوميكالىق وداق تۋرالى شارتقا قىرعىز رەسپۋبليكاسىنىڭ قوسىلۋىنا بايلانىستى قىرعىز رەسپۋبليكاسىنىڭ 2014 جىلعى 29 مامىرداعى ەۋرازيالىق ەكونوميكالىق وداق تۋرالى شارتتى, ەۋرازيالىق ەكونوميكالىق وداقتىڭ قۇقىعىنا كىرەتىن جەكەلەگەن حالىقارالىق شارتتاردى جانە ەۋرازيالىق ەكونوميكالىق وداق ورگاندارىنىڭ اكتىلەرىن قولدانۋى جونىندەگى جاعدايلار مەن وتپەلى ەرەجەلەر تۋرالى 2015 جىلعى 8 مامىردا قول قويىلعان حاتتاماعا وزگەرىس ەنگىزۋ تۋرالى حاتتامانى راتيفيكاتسيالاۋ تۋرالى» زاڭدى قاراستىردى.
حاتتامانىڭ راتيفيكاتسيالانۋى قازاقستان رەسپۋبليكاسى مەن قىرعىز رەسپۋبليكاسى اراسىنداعى وتكىزۋ بەكەتتەرىنىڭ ينفراقۇرىلىمىن جاقسارتۋدى, اتاپ ايتقاندا ولاردى جايلاستىرۋ جانە ماتەريالدىق-تەحنيكالىق جاراقتاندىرۋ بويىنشا ەكى جاقتى ۋاعدالاستىقتاردى ورىنداۋ مەرزىمدەرىن ۇزارتۋ جونىندەگى ىنتىماقتاستىقتى كوزدەيدى.
زاڭ ەۋرازيالىق ەكونوميكالىق وداق قۇقىقتارى قۇرالاتىن حالىقارالىق شارتتار مەن اكتىلەردىڭ كەدەندىك قۇقىقتىق قاتىناستارىن رەتتەيتىن تالاپتارعا سايكەستىگىن قامتاماسىز ەتۋگە مۇمكىندىك بەرەدى. اتالعان كوميتەت مۇشەلەرى تالقىلاۋ قورىتىندىسى بويىنشا زاڭدى پالاتا وتىرىسىنىڭ قاراۋىنا جىبەرۋ تۋرالى شەشىم قابىل- دادى.
«ەگەمەن-اقپارات»