كەشە جامبىل وبلىسىنىڭ جۋالى اۋدانىنداعى قولباستاۋ اۋىلىنىڭ ماڭىندا 2 جەڭىل اۆتوكولىكتەن 6 ادام ەۆاكۋاتسيالاندى, دەپ حابارلايدى Egemen.kz.
«12 قاڭتاردا ساعات 20:18-دە № 7 ءورت ءسوندىرۋ ءبولىمىنىڭ 3 ءورت ءسوندىرۋشى-قۇتقارۋشىسى قۇتقارۋ تەحنيكاسىمەن جامبىل وبلىسىنىڭ جۋالى اۋدانىندا قولباستاۋ اۋىلىنىڭ ماڭىندا 2 اقاۋى بار جەڭىل اۆتوكولىكتىڭ ىشىنەن 6 ادامدى, ونىڭ ىشىندە 3 بالانى ب.مومىش ۇلى اۋىلىنا ەۆاكۋاتسيالادى. ەۆاكۋاتسيالانعان ادامدارعا مەديتسينالىق كومەك قاجەت بولمادى», دەلىنگەن جامبىل وبلىسى تجد ءباسپاسوز قىزمەتىنىڭ حابارلاماسىندا.
ەسكە سالا كەتەيىك, 12-13 قاڭتاردا جەل مەن 33 گرادۋسقا دەيىن اياز بولاتىنى تۋرالى داۋىلدى ەسكەرتۋ جاريالانعان بولاتىن.
جامبىل وبلىسى تجد اۋا رايى بولجامىن قاداعالاۋعا, قۇتقارۋشىلاردىڭ ۇسىنىمدارىن ساقتاپ, اسا قاجەت بولماسا, ەلدى مەكەندەردەن تىس جەرلەرگە شىقپاۋعا كەڭەس بەردى. قاجەت بولعان جاعدايدا قۇتقارۋ قىزمەتىنىڭ «112» جانە «101» نومىرلەرىنە قوڭىراۋ شالۋ كەرەك.