قازاقستان ۇكىمەتىنىڭ 2022 جىلعى 30 جەلتوقسانداعى قاۋلىسىمەن زەينەت جاسىنا جەتكەن ۇلتتىق عىلىم اكادەمياسىنىڭ اكادەميكتەرىنە اي سايىنعى ستيپەنديا مولشەرى بەلگىلەندى, دەپ حابارلايدى Egemen.kz.
ونىڭ مولشەرى 60 اەك, ياعني 207 000 تەڭگەنى قۇرايدى.
ستيپەندياعا ىلىگۋ ءۇشىن اكادەميكتەر كەلەسى قۇجاتتاردى ۇسىنۋى قاجەت:
ستيپەنديانى ەركىن نىساندا تولەۋگە ءوتىنىش; ۇعا اكادەميگى مارتەبەسىن راستايتىن قۇجات (ۇعا اكادەميگى مارتەبەسىن بەرۋ تۋرالى ۇعا وتىرىسىنىڭ حاتتاماسىنان ءۇزىندى); قر ازاماتتىعىن راستايتىن قۇجات (قر ازاماتىنىڭ جەكە كۋالىگىنىڭ نەمەسە پاسپورتىنىڭ كوشىرمەسى); ەكىنشى دەڭگەيدەگى بانك ايقىندايتىن نىسان بويىنشا شوتتىڭ بولۋى تۋرالى بانكتەن انىقتاما.شاكىرتاقى تولەۋ كەلەسى جاعدايلاردا توقتاتىلادى:
ۇعا اكادەميگىنىڭ قايتىس بولۋى (قايتىس بولۋ تۋرالى انىقتاما/كۋالىك); ۇعا اكادەميگىن حابار-وشارسىز كەتتى دەپ تانۋ نەمەسە ونى قايتىس بولدى دەپ جاريالاۋ (سوت اكتىسى); ۇعا قۇرامىنان شىعارۋ (ۇعا پرەزيديۋمى وتىرىسىنىڭ حاتتاماسىنان ءۇزىندى); ستيپەنديات قر ازاماتتىعىنان ايىرىلعان جاعدايدا.قاۋلى 2023 جىلدىڭ 10 قاڭتارىنان باستاپ قولدانىسقا ەنگىزىلەدى.