«اوك سۋبسيديالاۋدىڭ بىرىڭعاي مەملەكەتتىك اقپاراتتىق جۇيەسى» فەرمەرلەرگە سۋبسيديالاۋعا وتىنىمدەردى رەسىمدەۋ ءۇشىن بالاما رەتىندە ازىرلەنگەن, دەپ حابارلايدى Egemen.kz اۋىل شارۋاشىلىعى مينيسترلىگىنە سىلتەمە جاساپ.
وتىنىمدەردى بەرۋ, سۋبسيديالاردى وڭدەۋ جانە الۋدىڭ بىرىڭعاي gosagro.kz ۆەب-پورتالى ارقىلى جۇزەگە اسىرىلادى. جۇيە تولىعىمەن اۆتوماتتاندىرىلعان جانە اقىسىز نەگىزدە قىزمەت كورسەتۋگە مۇمكىندىك بەرەدى.
2022 جىلدىڭ 31 جەلتوقسانىندا بۇرىنعى «Qoldau.kz» پورتالىنان ينۆەستيتسيالىق سۋبسيديالاۋ بويىنشا تولىق تاريحي دەرەكتەر الىندى. قازىرگى ۋاقىتتا اقپاراتتىق بازانى جاڭا جۇيەگە ەنگىزۋ جۇمىستارى جۇرگىزىلىپ جاتىر.
سبماج ارقاسىندا فەرمەرلەرگە سۋبسيديالار الۋدىڭ ورىندىلىعىن راستاۋ ءۇشىن قوسىمشا انىقتامالاردى ۇسىنۋ قاجەتتىلىگىنەن ارىلادى, ويتكەنى تالاپ ەتىلەتىن اقپارات باسقا مەملەكەتتىك اقپاراتتىق جۇيەلەرمەن, سونىڭ ىشىندە جەر ۋچاسكەلەرى, اۋىل شارۋاشىلىعى جانۋارلارى, تەحنيكا جانە ارنايى كولىك جونىندەگى دەرەكتەرمەن, كووپەراتيۆ مۇشەلەرى تۋرالى مالىمەتتەرمەن, سونداي-اق «القاپتار كارتاسىمەن» بىرىكتىرىلگەن. ينۆەستيتسيالىق سۋبسيديالار بولىگىندە قۇرىلىستا مەملەكەتتىك ساراپتاما جۇرگىزۋ تۋرالى دەرەكتەردى الۋ ءۇشىن «E-جسق» اقپاراتتىق جۇيەسىمەن ينتەگراتسيالاۋ جۇمىستارى باستالدى.
سۋبسيديالاۋدىڭ بىرىڭعاي اقپاراتتىق جۇيەسى بيۋدجەتتىڭ بولۋىنا قاراماستان وتىنىمگە رەتتىك ءنومىر بەرە وتىرىپ, «كۇتۋ پاراعى» قاعيداتى بويىنشا جۇمىس ىستەيدى. بيۋدجەت «كۇتۋ پاراعىندا» وتىنىمدەردىڭ كەزەكتىلىگى بويىنشا عانا بولىنەدى, وعان فەرمەردىڭ تاراپىنان قوسىمشا ءىس-ارەكەتتەر قاجەت ەمەس. بۇل ءتاسىل قاراجاتتى ءبولۋدىڭ اشىقتىعىن قامتاماسىز ەتەدى جانە سۋبسيديالاردى تولەۋ كەزىندە ادامي فاكتوردى بولدىرمايدى. «كۇتۋ پاراعىنا» كەلىپ تۇسكەن ءوتىنىم ماقۇلدانعان بولىپ ەسەپتەلەدى جانە تەك ءتيىستى قارجىلاندىرۋدى كۇتەدى.
قازىرگى ۋاقىتتا سۋبسيديالاۋ جونىندەگى قىزمەتتەردى ءوتىنىم بەرىلگەن ساتتەن باستاپ, سۋبسيديا تولەنگەنگە دەيىنگى ارالىقتا تەحنيكالىق پىسىقتاۋ اياقتالدى.
قولدانىستاعى سۋبسيديالاۋ قاعيدالارىنا سايكەس, فەرمەرلەردەن وتىنىمدەردى قابىلداۋدى باستاۋ مەرزىمدەرى بەلگىلەنگەن. نەگىزگى وتىنىمدەردى قابىلداۋ 2023 جىلدىڭ 1 اقپانىنان باستالادى.