بۇگىن اقتاۋ ماڭىندا جانارماي تسيستەرناسىنىڭ جارىلىسىنان زارداپ شەككەندەردىڭ ءبىرى قايتىس بولدى, دەپ حابارلايدى Egemen.kz.
1989 جىلى تۋعان ەر ادام كۇيىك سالدارىنان اۋرۋحانادا كوز جۇمدى.
«ناۋقاستاردىڭ ءبىرى قايتىس بولدى. 1981 جىلى تۋعان ەكىنشى ناۋقاستىڭ جاعدايى ءالى دە اۋىر. ونىڭ باس-مي جاراقاتى, وڭ اياعى مەن وڭ يىعىنىڭ 3-دارەجەلى تەرميالىق كۇيىكتەرى بار. دارىگەرلەر ناۋقاستىڭ جاعدايىن جاقسارتۋ ءۇشىن قولدان كەلگەننىڭ ءبارىن جاساپ جاتىر», دەپ حابارلادى اۋرۋحانادان.
ايتا كەتەيىك, 8 قاڭتاردا اقتاۋ ماڭىندا جانار-جاعارماي تيەلگەن ۆاگون تسيستەرنا جارىلدى. جارىلىس سالدارىنان زارداپ شەككەن ەكى ادام اۋرۋحاناعا جەتكىزىلدى.