8 قاڭتاردا استانا - پەتروپاۆل اۆتوجولىنىڭ 236-شاقىرىمىندا 9 كولىكتىڭ قاتىسۋىمەن جول اپاتى بولدى. وقيعا سالدارىنان قازاقستاندىق كولىك جۇرگىزۋشىلەرى مەن شەتەلدىك ازامات زارداپ شەككەن, دەپ حابارلايدى Egemen.kz.
پەتروپاۆل قالاسىنىڭ 34 جاستاعى تۇرعىنى ۆاز 2109 كولىگىنىڭ جۇرگىزۋشىسى جول-مەتەورولوگيالىق جاعدايلاردى ەسكەرمەي, 64 جاستاعى استانالىقتىڭ باسقارۋىنداعى Chevrolet Cobalt اۆتوكولىگىمەن جانە بەلارۋس رەسپۋبليكاسىنىڭ 38 جاستاعى تۇرعىنىنىڭ باسقارۋىنداعى Volvo اۆتوكولىگىمەن سوقتىعىسقان.
سودان كەيىن تاعى 6 كولىك سوقتىعىسقان: Renault Sandero, گازەل, 2 Toyota Camry, Daimler Chrysler جانە Toyota Prado.
جول اپاتى سالدارىنان «اۆيتسەننا بۋراباي» جشس-نە 19-49 جاس ارالىعىنداعى سوقتىعىسقان كولىكتەردىڭ 2 جۇرگىزۋشىسى مەن 7 جولاۋشىسى جەتكىزىلدى. 6 جۇرگىزۋشىگە قاتىستى قر اقبتك-ءنىڭ 610-بابى 1-بولىگى بويىنشا اكىمشىلىك حاتتامالار جاسالدى.