اۋىلعا سۋ تازارتقىش قوندىرعى ورناتىلادى

تۇرعىندار اۋىزسۋدىڭ ساپاسىز ەكەنىن ايتقان. اۋدان اكىمى ايتۋعان شايحيموۆ حاتتا جازىپ كورسەتكەندەي, زاحاروۆكاداعى سۋ قۇبىرىنىڭ ۇزىندىعى – 3,5 كم. ونى قايتا قۇرۋ جۇمىستارى 2008 جىلى جۇرگىزىلىپتى. ال 2021 جىلى سۋمەن جابدىقتاۋ نىساندارىنا 14,1 ملن تەڭگە قاراجات ءبولىنىپ, وعان سۋ مۇناراسى جاڭارتىلىپ, قوسىمشا سۋ كولونكالارى ورناتىلعان. سونداي-اق سۋ جەلىسىنىڭ تيىمدىلىگىن ارتتىرۋعا ءمان بەرىلگەن. ودان اعىپ كەلەتىن تىرشىلىك ءنارىنىڭ ءدامى مەزگىل سايىن تۇز تاتىپ, اششى بولىپ كەتەتىنىن ەسكەرگەن جەرگىلىكتى بيلىك ەندى كەلەر جىلى كەشەندى بلوك-مودۋل ورناتىپ بەرۋدى ۇيعارىپ وتىر.

– زاحاروۆكاداعى ءتۇتىن سانى – 78, جالپى 212 ادام تۇرادى. بيىل 54,7 ملن تەڭگەگە اۋىل ىشىندەگى 1,6 شاقىرىم جولعا اسفالت توسەلدى. «يندۋستريا سۆيازي» جشس تۇرعىندار تۇراقتى ينتەرنەت بايلانىسىنا قول جەتكىزۋى ءۇشىن دىڭگەكتى بايلانىس ورناتتى. ناتيجەسىندە «ۋاتساپ» جەلىسى ارقىلى بايلانىسقا شىعۋ مۇمكىندىگى بار. بۇيىرتسا, 2025 جىلعا دەيىن مۇندا ۇيالى بايلانىستى قامتاماسىز ەتەتىن انتەننالى قۇرىلعى قويىلادى. ال زاحاروۆ نەگىزگى مەكتەبىندە بيىل شاتىرى جوندەلىپ, كىرەبەرىس ەسىگى جاڭارتىلدى, – دەپ جاۋاپ بەردى ايتۋعان ابىلاي ۇلى.

اۋدان باسشىلىعىنىڭ ماسە­لە­­گە جەدەل ءۇن قاتىپ, جوبا-جوس­پارلارىمەن ءبولىسىپ جات­قانى قۇپتارلىق قادام. اۋىل جۇر­تىن الاڭداتقان تۇيتكىل­دەر­دىڭ ءتۇيىنى تارقاپ, زامانعا ساي ينفرا­قۇ­رى­لىم ورناپ جاتسا, بۇل دا ءبىر ۇلكەن يگىلىك بولار ەدى. كەلەر جىلى اۋىلدىق اۋماقتاردى دا­مى­تۋعا مەملەكەت تاراپىنان كوپ كوڭىل ءبولىنىپ وتىرعانى دا ءمالىم. ەندەشە الدا جاقسىلىق كۇتەمىز.

پاۆلودار وبلىسى,

جەلەزين اۋدانى,

زاحاروۆكا اۋىلى