14 قاڭتار مەن 6 ناۋرىز ارالىعىندا الماتى-2 - پەتروپاۆل باعىتىنداعى №105/106 «تالگو» پويىزىنىڭ قۇرامى رەيستەر جيىلىگىن ازايتادى, دەپ حابارلايدى Egemen.kz.
تالگونىڭ جوندەۋ جۇمىستارىنا بايلانىستى 2023 جىلدىڭ 14 قاڭتارىنان 6 ناۋرىزىنا دەيىنگى كەزەڭدە قوزعالىس جيىلىگى (ەكى كۇن سايىن) ەكى ەسەگە قىسقارادى.
پويىزدىڭ ءجۇرۋ جيىلىگى:
- قاڭتار ايىندا الماتىدان تاق كۇندەرى بويىنشا, اقپان/ناۋرىزدا – جۇپ كۇندەرى بويىنشا;
- قاڭتار ايىندا پەتروپاۆلدان جۇپ كۇندەردە, اقپان/ناۋرىزدا – تاق كۇندەر بويىنشا جۇرەدى.
«تەمىرجول كولىگىمەن تاسىمالداۋ ەرەجەلەرىنە سايكەس, بۇعان دەيىن توقتاتىلعان رەيستەرگە جول ءجۇرۋ قۇجاتىن راسىمدەگەن جولاۋشىلاردىڭ بيلەت قۇنى تولىعىمەن قايتارىلادى», دەپ حابارلادى ۆەدومستۆودان.