ەلباسى نۇرسۇلتان نازارباەۆتىڭ «قازاقستان جولى – 2050: ءبىر ماقسات, ءبىر مۇددە, ءبىر بولاشاق» جولداۋىندا «ءححى عاسىرداعى دامىعان ەل دەگەنىمىز – بەلسەندى, ءبىلىمدى جانە دەنساۋلىعى مىقتى ازاماتتار. ءبىلىم بارلىق ۋاقىتتا جوعارى قۇندىلىقتاردىڭ ءبىرى بولعان. تەك ءبىلىمدى, ساۋاتتى ادام عانا كەلەشەك تىزگىنىن قولىنا الا الادى», دەلىنگەن.
وسى ورايدا, كوكشەتاۋ مەديتسينالىق كوللەدجى قازىرگى ءبىلىم بەرۋ ستاندارتىنىڭ تالاپتارىنا سايكەس, ورتا بۋىندى مەديتسينالىق قىزمەتكەرلەردى دايارلاۋدا زاماناۋي كىرىككەن, ۇيلەسىمدىرىلگەن تەحنولوگيالاردى ەنگىزۋ ارقىلى ءبىلىم بەرۋدە جاڭاشىلدىقتاردى قولداناتىن, ماتەريالدىق-تەحنيكالىق بازاسى قارقىندى دامىپ كەلە جاتقان بەدەلدى وقۋ ورنى بولىپ تابىلادى. وسى وقۋ ورنىن 1995 جىلدان باستاپ مەديتسينا عىلىمدارىنىڭ دوكتورى سۆەتلانا مۇراتبەكوۆا باسقارادى.
كوللەدج 76 شىعارىمدى ىسكە اسىرىپ, 21 408 مامان دايىندادى. قازىرگى كەزدە ءبىلىم بەرۋ 8 ماماندىق بويىنشا جۇزەگە اسىرىلادى: «ەمدەۋ ءىسى», «مەدبيكەلىك ءىس», «گيگيەنا جانە ەپيدەميولوگيا», «لابوراتوريالىق دياگنوستيكا», «فارماتسيا», «ستوماتولوگيا», «ورتوپەديالىق ستوماتولوگيا», «الەۋمەتتىك جۇمىس».
وقۋ باعدارلامالارىن ىسكە اسىرۋدا حالىقارالىق تاجىريبەنى ۇيرەنۋ ماقساتىمەن قازاقستان رەسپۋبليكاسىنىڭ دەنساۋلىق ساقتاۋ مينيسترلىگى كوكشەتاۋ مەديتسينا كوللەدجىنىڭ بەلسەندى قاتىسۋىمەن, سيمۋلياتسيالىق تەحنولوگيالاردى جەتىلدىرۋدە, مەديتسينا ەرگونوميكاسىنىڭ نەگىزدەرىندە, ءپاللياتيۆتى كومەك, مەديكامەنتتەردى تاعايىنداعاندا مەدبيكەنىڭ مۇمكىندىكتەرى بويىنشا شەبەرلىك-سىنىپتار ۇيىمداستىرىلىپ, ليتۆا, رەسەي, فينليانديا, رۋمىنيا ماماندارىنىڭ قاتىسۋىمەن وتكىزىلەدى.
بولاشاق مامانداردىڭ دايىندىق ساپاسىن ارتتىرۋ ماقساتىندا كوللەدج وقىتۋشىلارى سۆەتلانا قابدەنقىزىنىڭ باسشىلىعىمەن حالىقارالىق, ايماقارالىق, رەسپۋبليكالىق, وبلىستىق عىلىمي-تاجىريبەلىك كونفەرەنتسيالارعا, سەمينارلارعا, فورۋمدارعا, كونگرەستەرگە قاتىسادى: حالىقارالىق قىزمەتتەستىك شەڭبەرىندە كوللەدج سانكت-پەتەربۋرگ, ومبى, كەمەروۆ (رەسەي); تامپەرە, يۋۆياسكيۋل (فينليانديا); ستاۆانگەر (نورۆەگيا), لوندون ( ۇلىبريتانيا), ۆيلنيۋس (ليتۆا) جانە ت.ب. قالالاردا وتكەن عىلىمي-پراكتيكالىق كونفەرەنتسيالارعا, سەمينارلار مەن كونگرەستەرگە قاتىستى.
اتالعان تاجىريبە زاماناۋي مەدبيكەلىك تەحنولوگيالاردى جەتىلدىرۋگە مۇمكىندىك بەرەدى, ويتكەنى, ولار مەدبيكە ءىسى ماماندارىنىڭ كاسىبي بىلىكتىلىگىن باعالاۋدىڭ الدىڭعى كريتەريى بولىپ سانالادى. كوللەدجدە ۆەب-سايت ورنالاسقان Intel Xeon سەرۆەرى بار قاشىقتان وقىتۋ ورتالىعى قۇرىلدى. وقۋ ۇردىسىنە ارنالعان كابينەتتەر قازىرگى زامانعى كومپيۋتەرلەرمەن جابدىقتالعان, سونىمەن بىرگە, Aktivote قۇرىلعىسى, ءبىر ۋاقىتتا كوللەدجدەگى اۋديتوريالاردا وقۋ فيلمدەرىن كورسەتەتىن كوللەدجىشىلىك كابەلدى تەلەديدار, تىلدىك دايىنداۋ ءۇشىن مۋلتيمەديالىق كابينەتتەر جۇمىس ىستەيدى. ينتەرنەتكە شىعۋ جوعارى جىلدامدىقتى ADSL- مودەمدەرىمەن جۇزەگە اسىرىلادى.
كوكشەتاۋ مەديتسينالىق كوللەدجى – قازاقستان رەسپۋبليكاسىنداعى ەڭ ۇزدىك وقۋ ورىندارىنىڭ ءبىرى. كوللەدج ءتۇلەكتەرى كاسىپتىلىگىمەن, باسەكەگە قابىلەتتىلىگىمەن, ءارى قاراي ءوزىن دامىتۋ دايىندىعىمەن ەرەكشەلەنەدى. ولار كوكشەتاۋ قالاسىندا, اقمولا جانە سولتۇستىك قازاقستان وبلىستارىنىڭ ەمدەۋ-الدىن الۋ ۇيىمدارىندا, استانا قالاسىنىڭ بىرقاتار مەديتسينالىق مەكەمەلەرىندە جۇمىس ىستەيدى.
پرەزيدەنت جولداۋىنىڭ «ۇلت دەنساۋلىعى – ءبىزدىڭ تابىستى بولاشاعىمىزدىڭ نەگىزى» تاراۋىندا قازاقستان حالقىنىڭ دەنساۋلىعىن ساقتاۋ, بالالارىمىزدىڭ دەنساۋلىعىن قامتاماسىز ەتۋ ىسىنە جاڭا تاسىلدەر ەنگىزۋ ماسەلەسى, اۋىلداعى مەديتسينالىق قىزمەتتەردىڭ ساپاسىن ارتتىرۋ جايى اتاپ ايتىلعان. كوللەدج ۇجىمى وسى باعىتتى باستى نازارىندا ۇستاپ, جولداۋدىڭ ىسكە اسىرىلۋىنا بار كۇش-جىگەرىن, ءبىلىمىن سالاتىن بولادى.
جانار سارسەنباەۆا.
كوكشەتاۋ.